വാഷിംഗ്ടൺ : ടിക് ടോക്കിന്റെ യുഎസ് പ്രവർത്തനങ്ങൾ ഒരു അമേരിക്കൻ നിക്ഷേപക ഗ്രൂപ്പിന് വിൽക്കുന്നതിനുള്ള പ്രൊപ്പോസലിന് അംഗീകാരം നൽകുന്ന എക്സിക്യൂട്ടീവ് ഉത്തരവിൽ യുഎസ് പ്രസിഡന്റ് ഡൊണാൾഡ് ട്രംപ് ഒപ്പുവച്ചു. ഈ നീക്കത്തിലൂടെ, ദശലക്ഷക്കണക്കിന് യുഎസ് ഉപയോക്താക്കൾക്ക് ജനപ്രിയ വീഡിയോ ആപ്പ് ലഭ്യമാക്കുന്നതിനൊപ്പം ദീർഘകാലമായി നിലനിൽക്കുന്ന ദേശീയ സുരക്ഷാ ആശങ്കകൾ പരിഹരിക്കുക എന്നതാണ് ട്രംപ് ഭരണകൂടത്തിന്റെ ലക്ഷ്യം. (US President Donald Trump signs executive order approving $14 billion TikTok deal)
ടിക് ടോക്കിന്റെ യുഎസ് ബിസിനസിന് 14 ബില്യൺ ഡോളർ മൂല്യം നൽകുന്ന കരാറാണ് വൈസ് പ്രസിഡന്റ് ജെഡി വാൻസ് വെളിപ്പെടുത്തിയത്. ട്രംപ് ഒപ്പിട്ട എക്സിക്യൂട്ടീവ് ഉത്തരവ്, ടിക് ടോക്കിന്റെ മാതൃ കമ്പനിയായ ബൈറ്റ്ഡാൻസിനെ രാജ്യവ്യാപകമായി വിലക്കാൻ നിർബന്ധിതരാക്കുന്ന ഒരു നിയമം നടപ്പിലാക്കുന്നതിൽ നിന്ന് നീതിന്യായ വകുപ്പിനെ താൽക്കാലികമായി വിലക്കുന്നു.
കരാർ പ്രകാരം, ടിക് ടോക്ക് യുഎസ് ഒരു പുതിയ ഡയറക്ടർ ബോർഡ് രൂപീകരിക്കും. കൂടാതെ, ടിക് ടോക്കിന്റെ ശുപാർശ അൽഗോരിതം, സോഴ്‌സ് കോഡ്, ഉള്ളടക്ക മോഡറേഷൻ സംവിധാനങ്ങൾ എന്നിവ പുതിയ ഉടമകൾക്ക് കൈമാറും. ട്രംപ് ഒപ്പിട്ട എക്സിക്യൂട്ടീവ് ഉത്തരവ് പ്രകാരം, ഒറാക്കിൾ ഇപ്പോൾ ടിക് ടോക്കിന്റെ യുഎസ് സുരക്ഷാ പ്രവർത്തനങ്ങൾക്ക് മേൽനോട്ടം വഹിക്കുകയും ക്ലൗഡ് സേവനങ്ങളും വാഗ്ദാനം ചെയ്യുകയും ചെയ്യും.