വാഷിംഗ്ടൺ: ലാറ്റിനമേരിക്കയിലെ എണ്ണ ഉൽപ്പാദനം സ്വന്തം നിയന്ത്രണത്തിലാക്കാനുള്ള നീക്കങ്ങൾ ശക്തമാക്കി അമേരിക്ക (US oil Blockade). വെനസ്വേലയുമായി ബന്ധമുള്ള രണ്ട് എണ്ണക്കപ്പലുകൾ അറ്റ്ലാന്റിക് സമുദ്രത്തിൽ വെച്ച് അമേരിക്കൻ സേന പിടിച്ചെടുത്തു. ഇതിൽ ഒന്ന് റഷ്യൻ പതാക സ്ഥാപിച്ച് ഉപരോധം മറികടക്കാൻ ശ്രമിച്ച മരിനേര എന്ന കപ്പലാണ്. കഴിഞ്ഞ ശനിയാഴ്ച വെനസ്വേലൻ പ്രസിഡന്റ് നിക്കോളാസ് മഡുറോയെ പിടികൂടിയതിന് പിന്നാലെയാണ് അമേരിക്ക കപ്പലുകൾക്ക് നേരെയുള്ള ഉപരോധം കർശനമാക്കിയത്.
അമേരിക്കൻ കോസ്റ്റ് ഗാർഡും സ്പെഷ്യൽ ഫോഴ്സും ചേർന്ന് നടത്തിയ നീക്കത്തിൽ റഷ്യൻ പതാകയുമായി നീങ്ങിയ മരിനേരയും, പനാമ പതാകയുള്ള 'എം സോഫിയ' എന്ന കപ്പലുമാണ് കസ്റ്റഡിയിലെടുത്തത്. അന്താരാഷ്ട്ര ഉപരോധങ്ങൾ ലംഘിച്ച് എണ്ണ കടത്തുന്ന 'ഷാഡോ ഫ്ലീറ്റ്' വിഭാഗത്തിൽപ്പെട്ട കപ്പലുകളാണിവയെന്ന് വൈറ്റ് ഹൗസ് വക്താക്കൾ അറിയിച്ചു. വെനസ്വേലൻ എണ്ണയുടെ പ്രധാന വാങ്ങലുകാരായ ചൈന, അമേരിക്കയുടെ ഈ നടപടിയെ ഗുണ്ടായിസം എന്നാണ് വിശേഷിപ്പിച്ചത്.
അതേസമയം, വെനസ്വേലയുടെ എണ്ണ ശേഖരത്തിൽ അമേരിക്കൻ കമ്പനികൾക്ക് പങ്കാളിത്തം ഉറപ്പാക്കാനും ആഭ്യന്തര വിപണിയിൽ എണ്ണവില കുറയ്ക്കാനുമാണ് ട്രംപിന്റെ പദ്ധതി. വെനസ്വേലയിൽ നിലവിൽ തടഞ്ഞു വെച്ചിരിക്കുന്ന 50 ദശലക്ഷം ബാരൽ എണ്ണ വിൽക്കാനാണ് അമേരിക്കയുടെ തീരുമാനം. ഇതിന്റെ ഭാഗമായി വെനസ്വേലയ്ക്ക് മേൽ ഏർപ്പെടുത്തിയിരുന്ന ചില ഉപരോധങ്ങളിൽ ട്രംപ് ഇളവ് വരുത്തിയിട്ടുണ്ട്. അമേരിക്കയുടെ താൽപ്പര്യങ്ങൾക്ക് അനുസൃതമായി മാത്രമേ വെനസ്വേല ഇനി എണ്ണ വിൽക്കാൻ പാടുള്ളൂ എന്ന് യുഎസ് വൈസ് പ്രസിഡന്റ് ജെ.ഡി വാൻസ് വ്യക്തമാക്കി.
The U.S. military escalated its control over Venezuelan energy resources on Wednesday by seizing two oil tankers, including one flying a Russian flag, in the Atlantic Ocean. Following the recent capture of President Nicolás Maduro, the Trump administration is tightening its blockade on "shadow fleet" vessels while simultaneously rolling back specific sanctions to allow the sale of 50 million barrels of Venezuelan crude. China has denounced the move as "brazen bullying," as the U.S. seeks to divert oil supplies originally intended for Beijing to serve American national interests.