വാഷിംഗ്ടൺ: ഗ്രീൻലൻഡ് പിടിച്ചെടുക്കുമെന്ന പ്രസിഡന്റ് ഡൊണാൾഡ് ട്രംപിന്റെ ഭീഷണി നിലനിൽക്കെ, യുഎസിലെ ഭരണ-പ്രതിപക്ഷ കക്ഷികളിൽ നിന്നുള്ള ജനപ്രതിനിധി സംഘം ഈ ആഴ്ച ഡെന്മാർക്ക് സന്ദർശിക്കും (US Lawmakers Denmark Visit ). ഡെമോക്രാറ്റിക് സെനറ്റർ ക്രിസ് കൂൺസിന്റെ നേതൃത്വത്തിലുള്ള സംഘത്തിൽ റിപ്പബ്ലിക്കൻ സെനറ്റർ തോം ടിലിസും ഉൾപ്പെടുന്നുണ്ട്. ട്രംപിന്റെ നീക്കങ്ങൾ നാറ്റോ സഖ്യത്തെ ദുർബലപ്പെടുത്തുമെന്ന ആശങ്കയിലാണ് ഈ സന്ദർശനം.
തന്ത്രപ്രധാനമായ ആർട്ടിക് മേഖലയിൽ സ്ഥിതി ചെയ്യുന്ന ഗ്രീൻലൻഡിനെ റഷ്യയോ ചൈനയോ കൈവശപ്പെടുത്താതിരിക്കാൻ അമേരിക്ക അത് സ്വന്തമാക്കണമെന്നാണ് ട്രംപിന്റെ വാദം. "ഏതെങ്കിലും രീതിയിൽ ഞങ്ങൾ ഗ്രീൻലൻഡ് കൈവശപ്പെടുത്തും" എന്ന് ട്രംപ് ആവർത്തിച്ചു വ്യക്തമാക്കിയതോടെയാണ് വിഷയം രാജ്യാന്തര തലത്തിൽ ചർച്ചയായത്. ഡെന്മാർക്കിന്റെ പരമാധികാരത്തെ മാനിക്കണമെന്നും സഖ്യകക്ഷികളെ തള്ളിക്കളയുന്നത് അപകടമാണെന്നും പ്രതിനിധി സംഘം മുന്നറിയിപ്പ് നൽകുന്നു.
അതേസമയം, യുഎസ് കോൺഗ്രസിൽ ഈ വിഷയത്തിൽ രണ്ട് വ്യത്യസ്ത ബില്ലുകൾ അവതരിപ്പിക്കപ്പെട്ടു. ഗ്രീൻലൻഡ് കൂട്ടിച്ചേർക്കാൻ ട്രംപിന് അധികാരം നൽകുന്ന 'ഗ്രീൻലൻഡ് അനെക്സേഷൻ ആൻഡ് സ്റ്റേറ്റ്ഹുഡ് ആക്ട്' റിപ്പബ്ലിക്കൻ അംഗമായ റാൻഡി ഫൈൻ അവതരിപ്പിച്ചപ്പോൾ, ട്രംപിന്റെ നീക്കങ്ങളെ തടയാൻ ലക്ഷ്യമിട്ടുള്ള 'ഗ്രീൻലൻഡ് സോവറിന്റി പ്രൊട്ടക്ഷൻ ആക്ട്' ഡെമോക്രാറ്റുകൾ കൊണ്ടുവന്നു. വെനിസ്വേലയിൽ നടത്തിയ സൈനിക ഇടപെടലിന് പിന്നാലെ ട്രംപ് ഗ്രീൻലൻഡിലും അത്തരം നീക്കങ്ങൾ നടത്തിയേക്കുമോ എന്നാണ് ആഗോള സമൂഹം ഉറ്റുനോക്കുന്നത്.
A bipartisan delegation of U.S. lawmakers is set to visit Denmark this week to express support for its sovereignty amid President Donald Trump's threats to annex Greenland. While some Republican lawmakers have introduced legislation to facilitate the takeover, a competing Democratic bill aims to block federal funding for such plans, citing concerns that Trump's rhetoric weakens the NATO alliance. The visit comes at a time of heightened global tension following recent U.S. military actions in Venezuela.