കീവ്: റഷ്യയുമായുള്ള യുദ്ധം അവസാനിപ്പിക്കാൻ അമേരിക്ക തയ്യാറാക്കിയ ഒരു ചട്ടക്കൂട് അംഗീകരിക്കണമെന്ന് യുക്രെയ്ൻ (Ukraine) പ്രസിഡന്റ് വോളോഡിമർ സെലെൻസ്‌കിക്ക് അമേരിക്ക സൂചന നൽകിയതായി റിപ്പോർട്ട്. ഈ പദ്ധതിപ്രകാരം, യുക്രെയ്ൻ തങ്ങളുടെ ചില പ്രദേശങ്ങൾ വിട്ടുകൊടുക്കേണ്ടിവരുമെന്നും സൈന്യത്തിൻ്റെ വലുപ്പം കുറയ്ക്കുന്നതുൾപ്പെടെയുള്ള ചില ആയുധങ്ങൾ ഉപേക്ഷിക്കേണ്ടിവരുമെന്നും വിഷയത്തിൽ നേരിട്ട് അറിവുള്ള രണ്ട് വൃത്തങ്ങൾ അറിയിച്ചു. കിഴക്കൻ ഉക്രെയ്‌നിൽ റഷ്യൻ സൈന്യം കൂടുതൽ പ്രദേശങ്ങൾ പിടിച്ചെടുക്കുകയും രാജ്യത്ത് അഴിമതി വിവാദം രൂക്ഷമാവുകയും ചെയ്ത സാഹചര്യത്തിലാണ് ഈ നിർണായക നീക്കം.
നിലവിലെ യുദ്ധം അവസാനിപ്പിക്കുന്നതിനും ശാശ്വത സമാധാനം കൈവരിക്കുന്നതിനും ഫലപ്രദമായ അമേരിക്കൻ നേതൃത്വം തുടരേണ്ടത് അനിവാര്യമാണെന്ന് തുർക്കി പ്രസിഡന്റ് തയ്യിപ് എർദോഗനുമായുള്ള കൂടിക്കാഴ്ചയ്ക്ക് ശേഷം സെലെൻസ്‌കി പറഞ്ഞിരുന്നു. യുദ്ധം അവസാനിപ്പിക്കാൻ യുഎസ് പ്രസിഡന്റ് ഡൊണാൾഡ് ട്രംപിനും യുഎസിനും മാത്രമേ ശക്തിയുള്ളതെന്നും അദ്ദേഹം അഭിപ്രായപ്പെട്ടു. ഉക്രെയ്ൻ പ്രദേശങ്ങൾ വിട്ടുകൊടുക്കുന്നതിന് പകരമായി റഷ്യൻ ആക്രമണത്തിൽ നിന്ന് യുഎസ് സുരക്ഷാ ഗ്യാരണ്ടി സ്വീകരിക്കുക എന്നതാണ് പുതിയ യുഎസ് പദ്ധതിയെന്നും റിപ്പോർട്ടുകളുണ്ട്. എന്നാൽ, യുക്രെയ്‌നിൻ്റെ സൈനിക ശക്തി കുറയ്ക്കുന്നത് റഷ്യയുടെ ആവശ്യമല്ലാതെ മറ്റൊരു ഗൗരവമായ നിർദ്ദേശമല്ലെന്ന് യൂറോപ്യൻ നയതന്ത്രജ്ഞർ അഭിപ്രായപ്പെട്ടു. ഉക്രെയ്‌നിന്റെ നിലപാടോ യൂറോപ്യൻ സഖ്യകക്ഷികളുടെ അഭിപ്രായങ്ങളോ കണക്കിലെടുക്കാത്ത ഒരു പരിഹാരവും ഉണ്ടാകില്ലെന്ന് അവർ മുന്നറിയിപ്പ് നൽകിയിട്ടുണ്ട്.
Sources indicate that the U.S. has signaled to President Volodymyr Zelenskyy that Ukraine should accept a U.S.-drafted peace framework aimed at ending the war with Russia, which reportedly involves Kyiv ceding some territory and reducing the size of its armed forces.