എസ്വാറ്റിനി: കുറ്റകൃത്യങ്ങളിൽ ശിക്ഷിക്കപ്പെട്ട അഞ്ച് പേരെ എസ്വാറ്റിനിയിലേക്ക് നാടുകടത്തി അമേരിക്ക(criminals). വിയറ്റ്നാം, ജമൈക്ക, ക്യൂബ, യെമൻ, ലാവോസ് എന്നീ രാജ്യങ്ങളിലെ പൗരന്മാരെയാണ് നാടുകടത്തിയത്.
കൊലപാതകം, കുട്ടികളെ ബലാത്സംഗം ചെയ്യൽ തുടങ്ങിയ അക്രമ കുറ്റകൃത്യങ്ങളിൽ ശിക്ഷിക്കപ്പെട്ടവരെയാണ് നാടുകടത്തിയത്. യുഎസ് ഹോംലാൻഡ് സെക്യൂരിറ്റി അസിസ്റ്റന്റ് സെക്രട്ടറി ട്രീഷ്യ മക്‌ലോഫ്‌ലിൻ ആണ് നാടുകടത്തൽ പ്രഖ്യാപിച്ചത്.
യുഎസ് വിമാനത്തിലാണ് പുരുഷന്മാരെ എസ്വാറ്റിനിയിലേക്ക് നാടുകടത്തിയത്. അതേസമയം, എസ്വാറ്റിനിയിൽ, നാടുകടത്തപ്പെട്ടവരെ സ്വീകരിക്കുന്നതിനുള്ള ഒരു കരാറിനെക്കുറിച്ചും സർക്കാരിൽ നിന്ന് ഔദ്യോഗിക സ്ഥിരീകരണങ്ങളൊന്നും ഇതുവരെയും ഉണ്ടായിട്ടില്ല.