ജറുസലേം: ഇസ്രായേൽ-ഹമാസ് സംഘർഷവും സാമ്പത്തിക നിയന്ത്രണങ്ങളും കാരണം പലസ്തീൻ സമ്പദ്വ്യവസ്ഥയിൽ തകർച്ചയുടെ വക്കിൽ. പലസ്തീന്റെ പതിറ്റാണ്ടുകളുടെ വളർച്ച നശിച്ചുകൊണ്ടിരിക്കുകയാണ് എന്ന് വ്യക്തമാക്കുന്ന ഐക്യരാഷ്ട്ര സഭയുടെ റിപ്പോർട്ട് പുറത്ത്. യുണൈറ്റഡ് നേഷൻസ് ട്രേഡ് ആൻഡ് ഡെവലപ്മെൻ്റ് ഏജൻസിയുടെ (UNCTAD) റിപ്പോർട്ട് ചൊവ്വാഴ്ചയാണ് പുറത്തുവിട്ടത്.
അടിസ്ഥാന സൗകര്യങ്ങൾക്കും ഉൽപ്പാദന ആസ്തികൾക്കും പൊതു സേവനങ്ങൾക്കുമുണ്ടായ വ്യാപകമായ നാശനഷ്ടം കാരണം കൈവശപ്പെടുത്തിയ പലസ്തീൻ പ്രദേശത്ത് പതിറ്റാണ്ടുകളായുള്ള സാമൂഹിക സാമ്പത്തിക പുരോഗതി നഷ്ടമായി. കഴിഞ്ഞ വർഷം അവസാനത്തോടെ പലസ്തീൻ്റെ പ്രതിശീർഷ ജിഡിപി 2003-ലെ നിലയിലേക്ക് കൂപ്പുകുത്തി. അതായത് 22 വർഷത്തെ വികസന നേട്ടങ്ങൾ ഇല്ലാതായി. ഈ സാമ്പത്തിക പ്രതിസന്ധി 1960-ന് ശേഷം ആഗോളതലത്തിൽ സംഭവിച്ച പത്ത് വലിയ സാമ്പത്തിക തകർച്ചകളിൽ ഒന്നാണെന്നും റിപ്പോർട്ടിൽ പറയുന്നു.
ഗാസയിൽ രണ്ട് വർഷം നീണ്ടുനിന്ന യുദ്ധത്തിന് ശേഷം ഉണ്ടായ നാശനഷ്ടങ്ങളുടെ വ്യാപ്തി വളരെ വലുതാണ്. ഈ പ്രദേശം വിപുലമായ അന്താരാഷ്ട്ര പിന്തുണയെ ആശ്രയിക്കേണ്ടിവരുമെന്നും, സമ്പദ്വ്യവസ്ഥയുടെ വീണ്ടെടുക്കലിന് പതിറ്റാണ്ടുകൾ എടുത്തേക്കാമെന്നും റിപ്പോർട്ട് സൂചിപ്പിക്കുന്നു. ഗതാഗത നിയന്ത്രണങ്ങളും എല്ലാ സാമ്പത്തിക മേഖലകളിലെയും അവസരനഷ്ടവും കാരണം വെസ്റ്റ് ബാങ്കും റെക്കോർഡ് ഇടിവ് നേരിടുന്നുണ്ട്.
The two-year Israel-Hamas conflict and economic restrictions have triggered an unprecedented collapse in the Palestinian economy, wiping out decades of development, according to a report by the UN Conference on Trade and Development (UNCTAD). The report, released Tuesday, states that extensive damage to infrastructure and public services has reversed 22 years of socio-economic progress, pushing the GDP per capita back to its 2003 level.