ന്യൂയോർക്ക്: ലോകത്തെ ഏറ്റവും വലിയ മാനുഷിക പ്രതിസന്ധിയാണ് സുഡാനിൽ നിലനിൽക്കുന്നതെന്ന് ഐക്യരാഷ്ട്രസഭ ആവർത്തിച്ചു (Sudan Civil War). സുഡാൻ പ്രധാനമന്ത്രി കാമിൽ ഇദ്രിസ് കഴിഞ്ഞ തിങ്കളാഴ്ച യുഎൻ സുരക്ഷാ കൗൺസിലിൽ അവതരിപ്പിച്ച സമാധാന പദ്ധതിക്ക് സെക്രട്ടറി ജനറൽ അന്റോണിയോ ഗുട്ടെറസ് പിന്തുണ പ്രഖ്യാപിച്ചിരുന്നു. പാരമിലിറ്ററി വിഭാഗമായ റാപ്പിഡ് സപ്പോർട്ട് ഫോഴ്സ് (ആർഎസ്എഫ്) ആയുധം താഴെ വെക്കണമെന്നതായിരുന്നു ഈ പദ്ധതിയിലെ പ്രധാന നിർദ്ദേശം. എന്നാൽ ആർഎസ്എഫ് തള്ളിക്കളഞ്ഞു.
2023 ഏപ്രിലിൽ തുടങ്ങിയ യുദ്ധം ഇതിനോടകം 9.6 ദശലക്ഷം ആളുകളെ ആഭ്യന്തരമായി കുടിയിറക്കി കഴിഞ്ഞു. 4.3 ദശലക്ഷത്തിലധികം ആളുകൾ അയൽരാജ്യങ്ങളിലേക്ക് പലായനം ചെയ്തതായാണ് കണക്കുകൾ. രാജ്യത്തെ 30 ദശലക്ഷത്തിലധികം ആളുകൾ ഇപ്പോൾ അടിയന്തര മാനുഷിക സഹായം തേടുകയാണ്. വടക്കൻ ഡാർഫറിലും കോർദോഫാൻ പ്രവിശ്യയിലുമാണ് ഇപ്പോൾ കടുത്ത യുദ്ധം അരങ്ങേറുന്നത്. ഡിസംബർ എട്ടിന് തന്ത്രപ്രധാനമായ ഹെഗ്ലിഗ് എണ്ണപ്പാടം ആർഎസ്എഫ് പിടിച്ചെടുത്തത് മേഖലയിലെ സംഘർഷം കൂടുതൽ സങ്കീർണ്ണമാക്കിയിട്ടുണ്ട്.
യുഎൻ സമാധാന സേനയ്ക്ക് നേരെയുണ്ടാകുന്ന ആക്രമണങ്ങളും ആശങ്ക വർദ്ധിപ്പിക്കുന്നു. ഡിസംബർ 13-ന് നടന്ന ഡ്രോൺ ആക്രമണത്തിൽ 6 ബംഗ്ലാദേശി സമാധാന പ്രവർത്തകർ കൊല്ലപ്പെട്ടതിനെ തുടർന്ന് യുഎൻ സമാധാന സേന (UNISFA) പലയിടങ്ങളിൽ നിന്നും പിന്മാറ്റം ആരംഭിച്ചു. കൂടാതെ, ഡാർഫറിലെ സാംസാം അഭയകേന്ദ്രത്തിൽ പട്ടിണി മരണം സ്ഥിരീകരിച്ചിട്ടുണ്ട്. പോഷകാഹാരക്കുറവ് മൂലം ലക്ഷക്കണക്കിന് കുട്ടികളുടെ ജീവൻ അപകടത്തിലാണെന്ന് യുണിസെഫ് മുന്നറിയിപ്പ് നൽകി.
UN Secretary-General António Guterres issued an urgent appeal on December 26, 2025, for an immediate ceasefire in Sudan to end the "unimaginable suffering" of civilians. This call follows a peace proposal by Sudanese Prime Minister Kamil Idris, which was recently rejected by the paramilitary RSF. As the conflict nears its 1,000th day, intensified fighting in Darfur and Kordofan has displaced over 14 million people and triggered a catastrophic hunger crisis, with over 30 million people now requiring humanitarian assistance.