ലോകത്തിലെ ഏറ്റവും വലിയ നഗരമായി മാറിയിരിക്കുകയാണ് ജക്കാർത്ത (Jakarta). ഐക്യരാഷ്ട്രസഭയുടെ പുതിയ റിപ്പോർട്ടിലാണ് ഇന്തോനേഷ്യയുടെ തലസ്ഥാനമായ ജക്കാർത്തയാണ് ലോകത്തിലെ ഏറ്റവും കൂടുതൽ ജനസംഖ്യയുള്ള നഗരമായി മാറിയത്.
41.9 ദശലക്ഷം ജനങ്ങളാണ് ജക്കാർത്തയിൽ താമസിക്കുന്നത്. രണ്ടാം സ്ഥാനത്ത് ബംഗ്ലാദേശിലെ ധാക്ക (36.6 ദശലക്ഷം) എത്തുകയും, മുൻപ് ഒന്നാം സ്ഥാനത്തുണ്ടായിരുന്ന ടോക്കിയോ (33.4 ദശലക്ഷം) മൂന്നാം സ്ഥാനത്തേക്ക് പിന്തള്ളപ്പെടുകയും ചെയ്തു. 2000-ൽ പുറത്തുവിട്ട അവസാന യുഎൻ റിപ്പോർട്ടിലാണ് ടോക്കിയോ ഒന്നാം സ്ഥാനത്ത് ഉണ്ടായിരുന്നത്.
യുഎൻ ഡിപ്പാർട്ട്‌മെൻ്റ് ഓഫ് ഇക്കണോമിക് ആൻഡ് സോഷ്യൽ അഫയേഴ്‌സിൻ്റെ വേൾഡ് അർബനൈസേഷൻ പ്രോസ്പെക്ട്സ് 2025 റിപ്പോർട്ട് പ്രകാരം, 10 ദശലക്ഷത്തിലധികം താമസക്കാരുള്ള മെഗാസിറ്റികളുടെ എണ്ണം ഇപ്പോൾ 33 ആയി വർദ്ധിച്ചു. 1975-ൽ ഇത് വെറും എട്ടെണ്ണം മാത്രമായിരുന്നു. ഈ 33 മെഗാസിറ്റികളിൽ 19 എണ്ണവും ഏഷ്യയിലാണ്, കൂടാതെ ലോകത്തിലെ ഏറ്റവും ജനസംഖ്യയുള്ള ആദ്യ 10 നഗരങ്ങളിൽ ഒമ്പതും ഏഷ്യൻ രാജ്യങ്ങളിലാണ്.
ജക്കാർത്ത, ധാക്ക, ടോക്കിയോ എന്നിവ കൂടാതെ ആദ്യ 10-ൽ ഇടംനേടിയ മറ്റ് ഏഷ്യൻ നഗരങ്ങൾ ഇവയാണ്:
ന്യൂഡൽഹി (ഇന്ത്യ) - 30.2 ദശലക്ഷം
ഷാങ്ഹായ് (ചൈന) - 29.6 ദശലക്ഷം
ഗ്വാങ്ഷൂ (ചൈന) - 27.6 ദശലക്ഷം
മനില (ഫിലിപ്പീൻസ്) - 24.7 ദശലക്ഷം
കൊൽക്കത്ത (ഇന്ത്യ) - 22.5 ദശലക്ഷം
സിയോൾ (ദക്ഷിണ കൊറിയ) - 22.5 ദശലക്ഷം
32 ദശലക്ഷം ജനസംഖ്യയുള്ള കെയ്റോ (ഈജിപ്ത്) മാത്രമാണ് ആദ്യ പത്തിലെ ഏഷ്യക്ക് പുറത്തുള്ള നഗരം.
ലോകത്തിലെ ഏറ്റവും വലിയ നഗരമായ ജക്കാർത്ത, സമുദ്രനിരപ്പ് ഉയരുന്നതുൾപ്പെടെയുള്ള ഗുരുതരമായ വെല്ലുവിളികളാണ് നേരിടുന്നുണ്ട്. 2050-ഓടെ നഗരത്തിൻ്റെ നാലിലൊന്ന് ഭാഗം വെള്ളത്തിനടിയിലായേക്കാം എന്ന് കരുതപ്പെടുന്നു. ഈ പ്രതിസന്ധി കാരണം ഇന്തോനേഷ്യൻ സർക്കാർ തലസ്ഥാനം നുസന്താരയിലേക്ക് മാറ്റുന്നതിൻ്റെ തിരക്കിലാണ്. എന്നാൽ, 2050-ഓടെ ജക്കാർത്തയിലെ ജനസംഖ്യ ഇപ്പോഴുള്ളതിനേക്കാൾ 10 ദശലക്ഷം വർദ്ധിക്കുമെന്നും യുഎൻ കണക്കാക്കുന്നു.
വേഗത്തിൽ വളരുന്ന ധാക്ക, 2050-ഓടെ ലോകത്തിലെ ഏറ്റവും വലിയ നഗരമായി മാറും എന്നും റിപ്പോർട്ട് പ്രവചിക്കുന്നു. കാലാവസ്ഥാ വ്യതിയാനം മൂലമുള്ള വെള്ളപ്പൊക്കം, സമുദ്രനിരപ്പ് ഉയരുന്നത് തുടങ്ങിയ പ്രശ്‌നങ്ങളിൽ നിന്ന് രക്ഷതേടി ഗ്രാമപ്രദേശങ്ങളിൽ നിന്ന് ആളുകൾ തലസ്ഥാനത്തേക്ക് കുടിയേറുന്നതാണ് ധാക്കയുടെ വളർച്ചയ്ക്ക് പ്രധാന കാരണം.
A new UN report, "World Urbanization Prospects 2025," names Indonesia's capital Jakarta as the world's largest city, with a population of 41.9 million, replacing Tokyo which fell to third place. Dhaka, Bangladesh (36.6 million), is now the second largest and is projected to become the world's largest by 2050. Nine of the top 10 megacities (urban areas with over 10 million inhabitants, which have grown to 33 worldwide) are in Asia.