മോസ്കോ: റഷ്യൻ എണ്ണ ഉത്പാദനം തടസ്സപ്പെടുത്താനുള്ള യുക്രെയ്ൻ്റെ പ്രചാരണത്തിൻ്റെ ഭാഗമായി, കാസ്പിയൻ കടലിലെ രണ്ട് റഷ്യൻ എണ്ണ എണ്ണപ്പാടങ്ങൾക്ക് (Russian oil rigs) നേരെ യുക്രെയ്ൻ ഡ്രോണുകൾ ഉപയോഗിച്ച് വീണ്ടും ആക്രമണം നടത്തി.
റഷ്യയുടെ ലൂക്കോയിൽ കമ്പനിക്ക് സ്വന്തമായുള്ള ഫിലനോവ്സ്കി, കോർച്ചഗിൻ എന്നീ ഓയിൽ റിഗുകൾക്ക് നേരെയാണ് യുക്രെയ്ൻ സെക്യൂരിറ്റി സർവീസ് ഡ്രോൺ ആക്രമണം നടത്തിയത്. രണ്ട് എണ്ണപ്പാടങ്ങൾക്കും പ്രധാനപ്പെട്ട ഉപകരണങ്ങൾക്കും ആക്രമണത്തിൽ കേടുപാടുകൾ സംഭവിച്ചതായും. ഇതിനെ തുടർന്ന് ഉത്പാദനം നിർത്തിവെക്കുകയും ചെയ്തതായി റിപ്പോർട്ടുകളുണ്ട്.
റഷ്യയുടെ ഏറ്റവും വലിയ കാസ്പിയൻ എണ്ണപ്പാടത്തിൻ്റെ ഭാഗമായ ഫിലനോവ്സ്കി പ്ലാറ്റ്ഫോമിന് നേരെ ഈ ആഴ്ച ആദ്യം തന്നെ ആക്രമണം നടന്നിരുന്നു. റഷ്യൻ എണ്ണ, വാതക ഉത്പാദനം തടസ്സപ്പെടുത്തി യുദ്ധത്തിന് പണം കണ്ടെത്താനുള്ള മോസ്കോയുടെ ശേഷി ഇല്ലാതാക്കാനാണ് യുക്രെയ്ൻ ശ്രമിക്കുന്നത്. കാസ്പിയൻ കടൽ യുക്രെയ്ൻ അതിർത്തിയിൽ നിന്ന് 700 കിലോമീറ്ററിലധികം (435 മൈൽ) അകലെയാണ്. ആക്രമണം എവിടെ നിന്ന് വിക്ഷേപിച്ചുവെന്ന് വ്യക്തമല്ല. ഈ വർഷം റഷ്യൻ എണ്ണ ശുദ്ധീകരണശാലകൾക്ക് നേരെ യുക്രെയ്ൻ നിരവധി ഡ്രോൺ ആക്രമണങ്ങൾ നടത്തിയിരുന്നു. കഴിഞ്ഞ മാസം മുതൽ കരിങ്കടലിലൂടെ റഷ്യൻ എണ്ണ കൊണ്ടുപോകുന്ന അനിയന്ത്രിത ടാങ്കറുകളെ ലക്ഷ്യമിട്ടും യുക്രെയ്ൻ ആക്രമണം വ്യാപിപ്പിച്ചു.
Ukrainian drones, belonging to the SBU, struck two Russian oil rigs—Filanovsky and Korchagin—owned by Lukoil in the Caspian Sea, marking the second such attack this week. The strikes reportedly damaged critical equipment on both platforms, forcing a suspension of production.