ബ്രസ്സൽസ്: റഷ്യയുമായുള്ള സമാധാന ഉടമ്പടിയുടെ ഭാഗമായി യുക്രൈന് യൂറോപ്യൻ യൂണിയനിൽ അതിവേഗം അംഗത്വം നൽകുന്ന കാര്യം യൂറോപ്യൻ കമ്മീഷൻ പരിഗണിക്കുന്നതായി റിപ്പോർട്ട് (Ukraine EU Membership). എന്നാൽ തുടക്കത്തിൽ എല്ലാവിധ അംഗത്വ അവകാശങ്ങളും യുക്രൈന് ലഭിക്കില്ല. കൃത്യമായ പരിഷ്കാരങ്ങൾ പൂർത്തിയാക്കുന്ന മുറയ്ക്ക് ഘട്ടം ഘട്ടമായി മാത്രം വോട്ടവകാശം ഉൾപ്പെടെയുള്ള പൂർണ്ണ അവകാശങ്ങൾ നൽകുന്ന 'റിവേഴ്സ് മെമ്പർഷിപ്പ്' എന്ന നൂതന ആശയമാണ് ഇപ്പോൾ ചർച്ചയിലുള്ളത്.
യുദ്ധം അവസാനിപ്പിക്കുന്നതിനായി അമേരിക്ക, യുക്രൈൻ, യൂറോപ്യൻ യൂണിയൻ എന്നിവർ ചേർന്ന് ചർച്ച ചെയ്യുന്ന 20 ഇന സമാധാന പദ്ധതിയിൽ 2027-ൽ യുക്രൈനെ യൂറോപ്യൻ യൂണിയൻ അംഗമാക്കുന്ന കാര്യം ഉൾപ്പെടുത്തിയിട്ടുണ്ട്. യുദ്ധാനന്തര യുക്രൈന്റെ സാമ്പത്തിക സുസ്ഥിരത ഉറപ്പാക്കാനാണ് ഈ നീക്കം. സാധാരണയായി വർഷങ്ങൾ നീളുന്ന കടമ്പകൾ യുക്രൈന് വേണ്ടി ലഘൂകരിക്കാനാണ് യൂറോപ്യൻ കമ്മീഷൻ ആലോചിക്കുന്നത്. എന്നിരുന്നാലും, അംഗത്വം നൽകുന്നതിന് മുൻപായി യൂറോപ്യൻ യൂണിയനിലെ 27 രാജ്യങ്ങളുടെയും പാർലമെന്റുകളുടെ അനുമതി ആവശ്യമാണ്.
അതിവേഗ അംഗത്വം നൽകുന്നത് അൽബേനിയ, മോണ്ടിനെഗ്രോ തുടങ്ങിയ മറ്റ് സ്ഥാനാർത്ഥി രാജ്യങ്ങളിൽ അതൃപ്തി ഉണ്ടാക്കാൻ സാധ്യതയുണ്ടെന്ന് ചില ഉദ്യോഗസ്ഥർ മുന്നറിയിപ്പ് നൽകുന്നുണ്ട്. എങ്കിലും യുക്രൈന്റെ സുരക്ഷയ്ക്കും യൂറോപ്പിന്റെ സ്ഥിരതയ്ക്കും ഈ 'ലൈറ്റ്' അംഗത്വം അനിവാര്യമാണെന്നാണ് യൂറോപ്യൻ യൂണിയൻ നയതന്ത്രജ്ഞരുടെ പക്ഷം. സമാധാന കരാറിന്റെ ഭാഗമായി ചില പ്രദേശങ്ങൾ റഷ്യയ്ക്ക് വിട്ടുനൽകേണ്ടി വന്നാൽ, അത് യുക്രൈൻ ജനതയ്ക്ക് അംഗീകരിക്കാൻ യൂറോപ്യൻ യൂണിയൻ അംഗത്വം ഒരു വലിയ പ്രചോദനമാകുമെന്നും വിലയിരുത്തപ്പെടുന്നു.
The European Commission is exploring a "reversed membership" model to grant Ukraine fast-track EU accession as part of a post-war security guarantee. Under this proposal, Ukraine would join the bloc quickly but with limited decision-making and voting rights, which would be fully earned only after completing specific democratic and economic reforms. This creative solution aims to provide Ukraine with economic stability and a clear path toward the West as part of a potential 20-point peace plan involving the U.S. and Russia.