കീവ്: യുക്രെയ്ൻ നടത്തിയ ആക്രമണത്തിൽ റഷ്യൻ തുറമുഖ നഗരമായ നോവോറോസിസ്കിലെ (Novorossiysk) പ്രധാന എണ്ണ സംഭരണ കേന്ദ്രത്തിന് തീപിടിച്ചു. റഷ്യൻ യുദ്ധ വരുമാനത്തിൻ്റെ പ്രധാന സ്രോതസ്സിനെ ലക്ഷ്യമിട്ടുള്ള യുക്രെയ്ൻ്റെ ആക്രമണ ശ്രമങ്ങൾ വർദ്ധിക്കുന്നതിൻ്റെ പ്രധാന സൂചനയാണ് ഈ ആക്രമണം. അതേസമയം, റഷ്യൻ ആക്രമണത്തിൽ യുക്രെയ്ൻ തലസ്ഥാനമായ കീവിൽ ആളപായവും ഉണ്ടായതായും റിപ്പോർട്ട്.
റഷ്യയുടെ ഏറ്റവും വലിയ എണ്ണ കയറ്റുമതി കേന്ദ്രങ്ങളിൽ ഒന്നാണ് നോവോറോസിസ്ക് തുറമുഖം. യുക്രെയ്ൻ സൈനിക ജനറൽ സ്റ്റാഫ് അറിയിച്ചതനുസരിച്ച്, തുറമുഖത്തിലെയും എണ്ണ സംഭരണ കേന്ദ്രത്തിലെയും വിലയേറിയ അടിസ്ഥാന സൗകര്യങ്ങൾക്കും, റഷ്യയുടെ എസ്-400 വ്യോമ പ്രതിരോധ സംവിധാനത്തിൻ്റെ വിക്ഷേപണിക്ക്കേ ടുപാടുകൾ സംഭവിച്ചു. ആക്രമണത്തിനായി യുക്രെയ്നിൽ നിർമ്മിച്ച ദീർഘദൂര ക്രൂയിസ് മിസൈലുകളായ നെപ്റ്റ്യൂൺ മിസൈലുകളും വിവിധതരം ആക്രമണ ആളില്ലാ വിമാനങ്ങളും ഉപയോഗിച്ചതായി യുക്രെയ്ൻ ജനറൽ സ്റ്റാഫ് അറിയിച്ചു. രാജ്യത്ത് നിർമ്മിച്ച ദീർഘദൂര ആയുധങ്ങളുടെ ഉപയോഗം വർധിപ്പിക്കുകയാണെന്ന് യുക്രെയ്ൻ സൈനിക മേധാവി ഒലെക്‌സാൻഡർ സിർസ്‌കി നേരത്തെ പറഞ്ഞിരുന്നു.
ക്രാസ്നോദർ ക്രൈയിലെ റഷ്യൻ ഗവർണർ വെനിയാമിൻ കോൺഡ്രാട്ടിയേവ് എണ്ണ സംഭരണ കേന്ദ്രത്തിന് നേരെയുണ്ടായ ആക്രമണം സ്ഥിരീകരിച്ചു. വീഴ്ത്തിയ യുക്രെയ്ൻ ഡ്രോണുകളുടെ ഭാഗങ്ങളാണ് സംഭരണ കേന്ദ്രത്തിൽ പതിച്ചതെന്നാണ് അദ്ദേഹത്തിൻ്റെ വാദം. ആക്രമണത്തിൽ കുറഞ്ഞത് നാല് പേർക്ക് പരിക്കേൽക്കുകയും നാല് കെട്ടിടങ്ങൾക്കും രണ്ട് സ്വകാര്യ വീടുകൾക്കും കേടുപാടുകൾ സംഭവിക്കുകയും ചെയ്തു ഇതേസമയം, കീവിൽ റഷ്യൻ വ്യോമാക്രമണത്തിൻ്റെ ശക്തമായ തരംഗം ഉണ്ടായി. തലസ്ഥാനത്ത് കുറഞ്ഞത് ഏഴ് പേർ കൊല്ലപ്പെടുകയും ഡസൻ കണക്കിന് പേർക്ക് പരിക്കേൽക്കുകയും ചെയ്തതായി പ്രാദേശിക അധികൃതർ അറിയിച്ചു.
Ukraine successfully struck Russia's major oil export terminal in the Black Sea port of Novorossiysk using long-range Neptune missiles and strike UAVs, damaging valuable port infrastructure and an S-400 air defense launcher.