ടോക്കിയോ: തായ്വാൻ വിഷയത്തിൽ ചൈനയും ജപ്പാനുമിടയിലുള്ള തർക്കങ്ങൾ രൂക്ഷമായ സാഹചര്യത്തിൽ, തർക്കങ്ങൾ പരിഹരിക്കാൻ അമേരിക്കൻ പ്രസിഡൻ്റ് ഡൊണാൾഡ് ട്രംപ് ഇടപെട്ടതായി റിപ്പോർട്ട്. ചൈനയുമായുള്ള തകരുന്ന വ്യാപാര ബന്ധം മെച്ചപ്പെടുത്താൻ ട്രംപ് ജപ്പാൻ പ്രധാനമന്ത്രി സനേ തകൈച്ചിയോട് (Sanae Takaichi) ആവശ്യപ്പെട്ടതായി ഇരു രാജ്യങ്ങളുമായി ബന്ധപ്പെട്ട വൃത്തങ്ങൾ അറിയിച്ചു.
തായ്വാനിൽ ഒരു സാങ്കൽപ്പിക ആക്രമണം ചൈന നടത്തിയാൽ അത് ജപ്പാൻ്റെ സൈനിക നടപടിക്ക് കാരണമായേക്കാം എന്ന് തകൈച്ചി ജപ്പാൻ പാർലമെൻ്റിൽ പരാമർശിക്കുകയുണ്ടായി. ജപ്പാൻ പ്രധാനമന്ത്രിയുടെ ഈ പരാമർശമാണ് നൂറ്റാണ്ടുകൾ പഴക്കമുള്ള ജപ്പാനും ചൈനയും തമ്മിലുള്ള തർക്കങ്ങൾ പുതിയ തലത്തിലേക്ക് കൊണ്ടെത്തിച്ചത്. ജപ്പാൻ പരാമർശം പിൻവലിക്കണം എന്ന് ചൈന ആവശ്യപ്പെട്ടിരുന്നു. എന്നാൽ, തങ്ങളുടെ നിലപാടിൽ മാറ്റമില്ലാതെ തുടരുമെന്ന് ജപ്പാനും വ്യക്തമാക്കിയിരുന്നു.
ട്രംപിൻ്റെ ടെലിഫോൺ സംഭാഷണം തകൈച്ചിയോട് കൂടുതൽ വഷളാക്കൽ കാണാൻ ആഗ്രഹിക്കുന്നില്ല എന്ന് പറഞ്ഞതായി ജാപ്പനീസ് സർക്കാർ വൃത്തങ്ങൾ അറിയിച്ചു. എന്നാൽ തകൈച്ചിയോട് പ്രസ്താവന പിൻവലിക്കാൻ ട്രംപ് പ്രത്യേകമായി ആവശ്യപ്പെട്ടില്ല. തായ്വാനോടുള്ള പിന്തുണ കുറച്ച് ചൈനയുമായി വ്യാപാര കരാർ ഉറപ്പിക്കാൻ ട്രംപ് തയ്യാറായേക്കുമോ എന്ന ആശങ്ക ടോക്കിയോയിലെ ചില ഉദ്യോഗസ്ഥർക്കുണ്ട്. "ട്രംപിനെ സംബന്ധിച്ചിടത്തോളം, ഏറ്റവും പ്രധാനം യുഎസ്-ചൈന ബന്ധമാണ്," എന്ന് സോഫിയ യൂണിവേഴ്സിറ്റിയിലെ പ്രൊഫസർ കസൂഹിറോ മെയ്ജിമ അഭിപ്രായപ്പെട്ടു. തകൈച്ചിയുമായി സംസാരിക്കുന്നതിന് തൊട്ടുമുമ്പ് ട്രംപ് ചൈനീസ് പ്രസിഡൻ്റ് ഷി ജിൻപിങ്ങുമായി ട്രംപ് സംസാരിച്ചിരുന്നു. തായ്വാൻ്റെ "ചൈനയിലേക്കുള്ള തിരിച്ചുവരവ്" ലോകക്രമത്തെക്കുറിച്ചുള്ള ചൈനയുടെ കാഴ്ചപ്പാടിലെ പ്രധാന ഭാഗമാണെന്ന് ഷി ട്രംപിനോട് പറഞ്ഞതായി സിൻഹുവ വാർത്താ ഏജൻസി റിപ്പോർട്ട് ചെയ്തു. യുഎസുമായുള്ള ബന്ധം "വളരെ നല്ലതാണ്" എന്നും ലോകത്തിലെ ഏറ്റവും വലിയ രണ്ട് സമ്പദ്വ്യവസ്ഥകൾ ഒരു വ്യാപാര ഉടമ്പടിക്ക് അന്തിമരൂപം നൽകാൻ ശ്രമിക്കുകയാണെന്നും ട്രംപ് പൊതുവായി പ്രതികരിച്ചു.
U.S. President Donald Trump privately asked Japanese Prime Minister Sanae Takaichi to avoid further escalation of the diplomatic dispute with China over Taiwan, aiming to preserve a fragile trade truce with Beijing. The dispute escalated when Takaichi suggested that a hypothetical Chinese attack on Taiwan could trigger Japanese military action, a remark that drew a furious response from Beijing.