ടെഹ്റാൻ: ഇറാനിൽ ഭരണകൂടവിരുദ്ധ പ്രക്ഷോഭം കടുക്കുന്നതിനിടെ പ്രക്ഷോഭകർക്ക് പരസ്യ പിന്തുണയുമായി അമേരിക്കൻ പ്രസിഡന്റ് ഡോണാൾഡ് ട്രംപ് (Iran Unrest). "ഇറാനിയൻ ദേശസ്നേഹികളെ, പ്രതിഷേധം തുടരുക... സ്ഥാപനങ്ങൾ പിടിച്ചെടുക്കുക... സഹായം ഉടൻ എത്തും" എന്ന് ട്രംപ് തന്റെ സോഷ്യൽ മീഡിയ പ്ലാറ്റ്ഫോമായ ട്രൂത്ത് സോഷ്യലിൽ കുറിച്ചു. പ്രതിഷേധക്കാരെ കൊന്നൊടുക്കുന്നത് നിർത്തുന്നത് വരെ ഇറാൻ ഉദ്യോഗസ്ഥരുമായുള്ള എല്ലാ കൂടിക്കാഴ്ചകളും റദ്ദാക്കിയതായും അദ്ദേഹം പ്രഖ്യാപിച്ചു.
ഇറാനിലെ സ്ഥിതിഗതികൾ അതീവ ഗുരുതരമാണെന്നും ഭരണകൂടം വലിയ വില നൽകേണ്ടി വരുമെന്നും ട്രംപ് മുന്നറിയിപ്പ് നൽകി. അതേസമയം, രാജ്യത്ത് അസ്ഥിരതയുണ്ടാക്കാനും അക്രമം പ്രോത്സാഹിപ്പിക്കാനുമാണ് ട്രംപ് ശ്രമിക്കുന്നതെന്ന് ഇറാൻ ആരോപിച്ചു. പ്രക്ഷോഭങ്ങളിൽ കൊല്ലപ്പെട്ടവരുടെ എണ്ണം 2,000 കടന്നതായി ഇറാൻ ഔദ്യോഗികമായി സ്ഥിരീകരിച്ചു. ഇതിനിടെ, ഇറാനിലെ ഇന്റർനെറ്റ് വിച്ഛേദനം മറികടക്കാൻ ഇലോൺ മസ്കിന്റെ സ്റ്റാർലിങ്ക് സേവനം സൗജന്യമായി ലഭ്യമാക്കി തുടങ്ങിയതായും റിപ്പോർട്ടുകളുണ്ട്. ഇറാനിലെ ഭരണകൂടം അതിന്റെ അവസാന ദിവസങ്ങളിലൂടെയാണ് കടന്നുപോകുന്നതെന്ന് ജർമ്മൻ ചാൻസലർ ഫ്രീഡ്രിക്ക് മെർസ് അഭിപ്രായപ്പെട്ടു.
U.S. President Donald Trump has urged Iranian protesters to continue their demonstrations, promising that "help is on its way" and calling on them to "take over institutions." This comes as Iran officially acknowledged a death toll of 2,000 since the unrest began two weeks ago. Trump has suspended all diplomatic meetings with Iranian officials until the "senseless killing" stops, while German Chancellor Friedrich Merz predicted the regime is in its "final days." Amidst a nationwide internet blackout, reports indicate that Elon Musk's Starlink service has been made available for free to help Iranians stay connected.