ടെഹ്റാൻ: ഇറാനിൽ മൂന്നാഴ്ചയായി തുടരുന്ന ശക്തമായ പ്രക്ഷോഭങ്ങൾ ശാന്തമാകുന്നുവെന്നും വൻതോതിലുള്ള വധശിക്ഷകൾ നടപ്പാക്കാൻ നിലവിൽ പദ്ധതിയൊന്നുമില്ലെന്നും തനിക്ക് വിവരം ലഭിച്ചതായി യുഎസ് പ്രസിഡന്റ് ഡൊണാൾഡ് ട്രംപ് (Iran Unrest). "വിശ്വസനീയമായ കേന്ദ്രങ്ങളിൽ" നിന്നാണ് തനിക്ക് ഈ വിവരം ലഭിച്ചതെന്ന് വൈറ്റ് ഹൗസിൽ വാർത്താസമ്മേളനത്തിൽ ട്രംപ് വ്യക്തമാക്കി. ഇതോടെ, ഇറാനെതിരെ ട്രംപ് പ്രഖ്യാപിച്ചിരുന്ന സൈനിക നടപടി ഉണ്ടാകില്ലെന്ന സൂചന ലഭിച്ചതിനെത്തുടർന്ന് ആഗോള വിപണിയിൽ എണ്ണവില കുറഞ്ഞു.
അതേസമയം, പ്രക്ഷോഭത്തിനിടെ പിടിയിലായ 26-കാരനായ ഇർഫാൻ സുൽത്താനിയെ വധശിക്ഷയ്ക്ക് വിധിച്ചിട്ടില്ലെന്ന് ഇറാൻ ജുഡീഷ്യറി അറിയിച്ചു. ഇദ്ദേഹത്തെ ബുധനാഴ്ച തൂക്കിലേറ്റുമെന്ന് നേരത്തെ മനുഷ്യാവകാശ സംഘടനകൾ ആശങ്ക പ്രകടിപ്പിച്ചിരുന്നു. എന്നാൽ, രാജ്യസുരക്ഷയ്ക്കെതിരായ നീക്കം തുടങ്ങിയ കുറ്റങ്ങളാണ് ഇയാൾക്കെതിരെ ചുമത്തിയിരിക്കുന്നതെന്നും ഇവയ്ക്ക് വധശിക്ഷ ബാധകമല്ലെന്നും തടവുശിക്ഷ മാത്രമേ ലഭിക്കൂ എന്നും ഇറാൻ സ്റ്റേറ്റ് മീഡിയ റിപ്പോർട്ട് ചെയ്തു.
US President Donald Trump has stated that the crackdown in Iran appears to be easing and he believes there are no current plans for large-scale executions, citing "important sources" from the Iranian side. Following this, Iran's judiciary denied that a 26-year-old protester, Erfan Soltani, had been sentenced to death, clarifying that his charges carry prison terms rather than capital punishment. While tensions remain high, Trump's wait-and-see approach has led to a slight retreat in global oil prices, though he has not entirely ruled out future military intervention.