റോം: ഇറ്റലിയിലെ ആൽപ്‌സ് പർവതനിരകളിലുണ്ടായ വൻ ഹിമപാതത്തിൽ കുടുങ്ങി അഞ്ച് ജർമൻ പർവതാരോഹകർ മരിച്ചു. സോൾഡ ഗ്രാമത്തിനടുത്തുള്ള ഓർട്ട്‌ലർ പർവതനിരയിലെ സിമ വെർട്ടാനയിൽ കൊടുമുടിയിലേക്ക് പോകുന്നതിനിടെയാണ് ദാരുണമായ അപകടം സംഭവിച്ചത്.
മരിച്ച അഞ്ച് പേരും ജർമൻ പൗരന്മാരാണ്.മഞ്ഞിൻ്റെയും ഐസിൻ്റെയും ഹിമപാതത്തിൽ രണ്ട് വ്യത്യസ്ത റോപ്പ് ടീമുകളിലെ അംഗങ്ങളാണ് അകപ്പെട്ടത്.രണ്ട് പുരുഷന്മാരുടെയും ഒരു സ്ത്രീയുടെയും മൃതദേഹങ്ങൾ ആദ്യം കണ്ടെടുത്തു.മരിച്ച മറ്റ് രണ്ട് പേർ പിതാവും 17 വയസ്സുള്ള മകളുമാണ്.സംഘത്തിലുണ്ടായിരുന്ന മറ്റ് രണ്ട് പർവതാരോഹകർക്ക് പരിക്കേൽക്കാതെ രക്ഷപ്പെടാൻ സാധിച്ചു.
സ്വിസ് അതിർത്തിയോട് ചേർന്നുള്ള ഇറ്റാലിയൻ ആൽപ്‌സിൻ്റെ ഭാഗമാണ് ഓർട്ട്‌ലർ മാസിഫ് പർവതനിര.
പരിചയസമ്പന്നരായ കാൽനടയാത്രക്കാർക്കും മലകയറ്റക്കാർക്കും ഇടയിൽ ഈ പ്രദേശം വളരെ ജനപ്രിയമാണ്.