ലോസ് ആഞ്ചലസ്: അമേരിക്കൻ റോക്ക് സംഗീത ചരിത്രത്തിലെ വിസ്മയമായ 'ഗ്രേറ്റ്ഫുൾ ഡെഡ്' ബാൻഡിന്റെ സ്ഥാപകാംഗവും ഗായകനുമായ ബോബ് വെയർ (Bob Weir) അന്തരിച്ചു. 78 വയസ്സായിരുന്നു. ശനിയാഴ്ച അദ്ദേഹത്തിന്റെ ഔദ്യോഗിക ഇൻസ്റ്റാഗ്രാം പേജിലൂടെയാണ് മരണവാർത്ത പുറത്തുവിട്ടത്. അർബുദത്തെ ധീരമായി നേരിട്ട അദ്ദേഹം, ശ്വാസകോശ സംബന്ധമായ അസുഖങ്ങളെത്തുടർന്ന് സമാധാനപരമായാണ് യാത്രയായതെന്ന് കുടുംബം അറിയിച്ചു.
1965-ൽ വെറും 17-ാം വയസ്സിലാണ് ബോബ് വെയർ 'ഗ്രേറ്റ്ഫുൾ ഡെഡ്' ബാൻഡിന്റെ ഭാഗമാകുന്നത്. 30 വർഷത്തോളം ജെറി ഗാർസിയയോടൊപ്പം ചേർന്ന് ലോകമെമ്പാടും സംഗീത വിസ്മയം തീർക്കാൻ അദ്ദേഹത്തിന് സാധിച്ചു. "Sugar Magnolia," "One More Saturday Night," "Mexicali Blues" തുടങ്ങിയ പ്രശസ്തമായ ഗാനങ്ങൾ ബോബ് വെയർ രചിക്കുകയോ ആലപിക്കുകയോ ചെയ്തവയാണ്. 'ഡെഡ്ഹെഡ്സ്' (Deadheads) എന്നറിയപ്പെടുന്ന ദശലക്ഷക്കണക്കിന് ആരാധകരെ സൃഷ്ടിച്ചതിൽ ബോബ് വലിയ പങ്കുവഹിച്ചു. 1960-കളിലെ സാൻഫ്രാൻസിസ്കോ സംസ്കാരത്തിന്റെ ശബ്ദമായിരുന്നു അദ്ദേഹത്തിന്റെ സംഗീതം.
2024-ൽ ഫിൽ ലേഷ് അന്തരിച്ചതിന് പിന്നാലെ ബോബ് വെയറിന്റെ വിയോഗം ബാൻഡിന്റെ ആരാധകർക്ക് വലിയ ആഘാതമായി. ഡ്രമ്മർ ബിൽ ക്രൂട്ട്സ്മാൻ മാത്രമാണ് ഇപ്പോൾ ബാൻഡിന്റെ ആദ്യകാല അംഗങ്ങളിൽ ജീവിച്ചിരിക്കുന്നത്. കഴിഞ്ഞ വർഷം ഗ്രാമി മ്യൂസിക്കെയേഴ്സിന്റെ 'പേഴ്സൺ ഓഫ് ദ ഇയർ' പുരസ്കാരം ഗ്രേറ്റ്ഫുൾ ഡെഡിന് ലഭിച്ചിരുന്നു. "സംഗീതത്തിലൂടെ സന്തോഷം പകരുക എന്നതായിരുന്നു ഞങ്ങളുടെ ലക്ഷ്യം," എന്നായിരുന്നു അന്ന് ബോബ് വെയർ പ്രതികരിച്ചത്.
Bob Weir, the legendary guitarist and founding member of the Grateful Dead, has passed away at the age of 78 following complications from lung issues. A central figure in American music for over six decades, Weir helped shape the San Francisco counterculture sound and remained the face of the band’s enduring legacy through projects like Dead & Company. His peaceful passing marks the end of an era for the global "Deadhead" community, leaving behind a profound impact on rock, blues, and improvisational music.