ബാങ്കോക്ക്: തായ്ലൻഡും കംബോഡിയയും (Thailand-Cambodia) തമ്മിലുള്ള തർക്കമുള്ള അതിർത്തിയിൽ, ഒരു തായ് സൈനികൻ കൊല്ലപ്പെടുകയും മൂന്ന് കംബോഡിയൻ സാധാരണക്കാർക്ക് പരിക്കേൽക്കുകയും ചെയ്തതിനെത്തുടർന്ന് തായ് സൈന്യം അതിർത്തിയിൽ വ്യോമാക്രമണം ആരംഭിച്ചു. തായ് സൈനിക വക്താവ് മേജർ ജനറൽ വിന്തായി സുവരിയുടെ പ്രസ്താവന പ്രകാരം, ഉബോൺ രാച്ചത്താനി പ്രവിശ്യയിൽ തായ് സൈനികൻ കൊല്ലപ്പെട്ടതിന് പിന്നാലെ കംബോഡിയൻ ആക്രമണങ്ങളെ 'അടിച്ചമർത്താൻ വേണ്ടിയാണ് തായ്ലൻഡ് വിമാനങ്ങൾ വിന്യസിച്ചത്.
കംബോഡിയൻ സൈനികരാണ് ആദ്യം ആയുധങ്ങൾ ഉപയോഗിച്ച് വെടിയുതിർത്തതെന്നും, ഇതിനെ പ്രതിരോധിക്കാനാണ് തങ്ങൾ വ്യോമാക്രമണം നടത്തിയതെന്നും തായ് സൈന്യത്തിന്റെ വാദം. തായ് സേനയാണ് ആദ്യം ആക്രമണം ആരംഭിച്ചതെന്നും, തായ് സൈന്യത്തിൻ്റെ 'പ്രകോപനപരമായ നടപടികൾ' നിരവധി ദിവസങ്ങളായി തുടരുകയാണെന്നും കംബോഡിയൻ സൈന്യം ഫേസ്ബുക്ക് പ്രസ്താവനയിലൂടെ അറിയിച്ചു. തായ് ആക്രമണങ്ങളിൽ ഓഡ്ഡാർ മീൻചെയ് അതിർത്തി മേഖലയിൽ ഒരു സ്ത്രീയടക്കം മൂന്ന് സാധാരണക്കാർക്ക് പരിക്കേറ്റതായും അവർ അറിയിച്ചു.
കഴിഞ്ഞ ജൂലൈയിൽ അഞ്ച് ദിവസത്തെ രക്തരൂക്ഷിതമായ ഏറ്റുമുട്ടലുകൾക്ക് അറുതി വരുത്തിക്കൊണ്ട് ഉണ്ടാക്കിയ വെടിനിർത്തൽ കരാർ ഈ ആക്രമണത്തോടെ ലംഘിക്കപ്പെട്ടിരിക്കുകയാണ്. ആ സംഘർഷത്തിൽ 48 പേർ കൊല്ലപ്പെടുകയും 300,000 പേർ താൽക്കാലികമായി പലായനം ചെയ്യപ്പെടുകയും ചെയ്തിരുന്നു. തൻ്റെ രാജ്യം അക്രമം ആഗ്രഹിക്കുന്നില്ലെങ്കിലും സുരക്ഷ നിലനിർത്താൻ സൈന്യം സജ്ജമാണെന്ന് തായ് പ്രധാനമന്ത്രി അനുതിൻ ചാർൺവിരകുൽ പറഞ്ഞു. അതേസമയം, സമാധാനപരമായ പരിഹാരം ആവശ്യപ്പെട്ട കംബോഡിയയുടെ മുൻ പ്രധാനമന്ത്രി ഹുൻ സെൻ, വെടിനിർത്തൽ നശിപ്പിക്കാൻ ശ്രമിക്കുന്ന തായ് സൈന്യത്തിൻ്റെ പ്രകോപനങ്ങളിൽ സംയമനം പാലിക്കാൻ സൈന്യത്തോട് അഭ്യർത്ഥിച്ചു. പുതിയ ഏറ്റുമുട്ടലുകളെത്തുടർന്ന് തായ്ലൻഡ് അതിർത്തി പ്രദേശങ്ങളിൽ നിന്ന് ഏകദേശം 35,000 ആളുകളെ ഒഴിപ്പിച്ചു. മലേഷ്യൻ പ്രധാനമന്ത്രി അൻവർ ഇബ്രാഹിം ഇരു രാജ്യങ്ങളോടും സംയമനം പാലിക്കാൻ അഭ്യർത്ഥിച്ചു.
Thailand's military launched air attacks along its disputed border with Cambodia following clashes that killed one Thai soldier and wounded three Cambodian civilians, escalating tensions between the Southeast Asian neighbors. Thailand claimed the action was necessary to "suppress" Cambodian attacks after their soldier was killed in Ubon Ratchathani province.