ബാങ്കോക്ക്: തായ്ലൻഡിലെ നഖോൺ റാച്ചസിമ പ്രവിശ്യയിലുണ്ടായ ട്രെയിൻ അപകടത്തിൽ മരിച്ചവരുടെ എണ്ണം 25 ആയി ഉയർന്നതായി പോലീസ് സ്ഥിരീകരിച്ചു (Thailand Train Accident). നിർമ്മാണത്തിലിരുന്ന അതിവേഗ റെയിൽവേ പാതയുടെ കൂറ്റൻ ക്രെയിൻ തകർന്ന് വീണതിനെത്തുടർന്ന് തകർന്ന ബോഗികളിൽ നിന്ന് കൂടുതൽ മൃതദേഹങ്ങൾ കണ്ടെടുത്തതോടെയാണ് മരണസംഖ്യ ഉയർന്നത്. അപകടത്തിൽ 80 ഓളം പേർക്ക് പരിക്കേറ്റിട്ടുണ്ട്.
ബാങ്കോക്കിൽ നിന്ന് ഉബോൺ റാച്ചത്താനിയിലേക്ക് 195 യാത്രക്കാരുമായി പോവുകയായിരുന്ന ട്രെയിനിന് മുകളിലേക്കാണ് ക്രെയിൻ തകർന്ന് വീണത്. ചൈനയുടെ സഹായത്തോടെ നിർമ്മിക്കുന്ന അതിവേഗ റെയിൽവേയുടെ നിർമ്മാണ പ്രവർത്തനങ്ങൾക്കിടെയാണ് ഈ ദാരുണമായ സംഭവം. എന്നാൽ, അപകടം നടന്ന ഭാഗത്തെ നിർമ്മാണ ചുമതല ഒരു തായ് കമ്പനിക്കായിരുന്നു എന്ന് ചൈനീസ് വിദേശകാര്യ മന്ത്രാലയം വ്യക്തമാക്കിയിട്ടുണ്ട്. തകർന്ന ബോഗികൾക്കുള്ളിൽ കുടുങ്ങിക്കിടക്കുന്നവർക്കായി രക്ഷാപ്രവർത്തകർ ഇപ്പോഴും തിരച്ചിൽ തുടരുകയാണ്. സംഭവത്തിൽ ഉന്നതതല അന്വേഷണം നടത്താൻ തായ് ഗതാഗത മന്ത്രി ഉത്തരവിട്ടു.
The death toll from the train accident in Thailand's Nakhon Ratchasima province has risen to 25, with around 80 others injured. The tragedy occurred when a construction crane for a high-speed rail project collapsed onto a passenger train carrying 195 people. While the project is part of a China-backed initiative, Chinese officials noted that a Thai enterprise was handling the construction in that specific section. Rescue teams are still working to recover bodies from the wreckage as a thorough investigation into the cause of the collapse begins.