കാരക്കാസ്: വെനസ്വേലയുമായുള്ള നയതന്ത്ര ബന്ധം വഷളാകുന്നതിനിടെ, കിഴക്കൻ പസഫിക് സമുദ്രത്തിൽ അമേരിക്ക നടത്തിയ സൈനിക നീക്കത്തിൽ നാലുപേർ കൊല്ലപ്പെട്ടു (US - Venezuela). ലഹരിക്കടത്ത് തടയാൻ എന്ന പേരിൽ അമേരിക്ക നടത്തുന്ന ‘സതേൺ സ്പിയർ’ ഓപ്പറേഷന്റെ ഭാഗമായാണ് ഈ ആക്രമണം നടന്നത്. സെപ്റ്റംബർ മുതൽ പസഫിക് സമുദ്രത്തിലും കരീബിയൻ കടലിലുമായി അമേരിക്ക നടത്തിയ ആക്രമണങ്ങളിൽ മരിച്ചവരുടെ എണ്ണം ഇതോടെ നൂറിനോടടുത്തു.
ലഹരിക്കടത്ത് നടത്തുന്ന ‘നാർക്കോ ടെററിസ്റ്റുകളെ’ ആണ് തങ്ങൾ വധിച്ചതെന്ന് യുഎസ് സതേൺ കമാൻഡ് അവകാശപ്പെട്ടു. എന്നാൽ ഇതിന് കൃത്യമായ തെളിവുകൾ ഹാജരാക്കാൻ സൈന്യത്തിന് കഴിഞ്ഞിട്ടില്ല. വെനസ്വേലയ്ക്കെതിരെയുള്ള ഡൊണാൾഡ് ട്രംപിന്റെ ആക്രമണോത്സുകമായ നടപടികളെ നിയന്ത്രിക്കാൻ യുഎസ് കോൺഗ്രസിൽ വന്ന പ്രമേയങ്ങൾ പരാജയപ്പെട്ടതിന് തൊട്ടുപിന്നാലെയാണ് ഈ പുതിയ ആക്രമണം നടന്നത്.
വെനസ്വേലയിലെ എണ്ണക്കപ്പലുകൾക്ക് ട്രംപ് നാവിക ഉപരോധം ഏർപ്പെടുത്തിയതോടെ മേഖലയിൽ യുദ്ധസമാനമായ സാഹചര്യമാണുള്ളത്. വെനസ്വേലയുടെ എണ്ണ സമ്പത്ത് തട്ടിയെടുക്കാനാണ് അമേരിക്ക ശ്രമിക്കുന്നതെന്ന് പ്രസിഡന്റ് നിക്കോളാസ് മഡുറോ ആരോപിച്ചു. സംഘർഷം ഒഴിവാക്കാൻ ബ്രസീൽ പ്രസിഡന്റ് ലുല ഡ സിൽവ ഉൾപ്പെടെയുള്ള ലാറ്റിനമേരിക്കൻ നേതാക്കൾ ഇടപെടണമെന്ന ആവശ്യവുമായി രംഗത്തെത്തിയിട്ടുണ്ട്. ഐക്യരാഷ്ട്രസഭ അടിയന്തരമായി ഇടപെടണമെന്ന് മെക്സിക്കൻ പ്രസിഡന്റ് ക്ലോഡിയ ഷെയ്ൻബോം ആവശ്യപ്പെട്ടു.
Tensions between the US and Venezuela have escalated following a US military strike in the eastern Pacific that killed four people, bringing the total death toll from such operations to nearly 100 since September. President Donald Trump's administration has ordered a naval blockade of Venezuelan oil tankers, a move described by Caracas as a "grotesque threat" to its sovereignty. Regional leaders in Latin America and the UN Secretary-General have expressed grave concerns over the potential for a full-scale conflict in the region.