കാബൂൾ: പാകിസ്താനും അഫ്ഗാനിസ്താനും തമ്മിലുള്ള അതിർത്തി തർക്കം അതിരൂക്ഷമായ സൈനിക ഏറ്റുമുട്ടലിലേക്ക് വഴിമാറി (Taliban Attacks Pakistan Nur Khan Base). പാകിസ്താനിലെ റാബൽപിണ്ടിയിലുള്ള നൂർ ഖാൻ (Nur Khan) വ്യോമതാവളത്തിലെ കമാൻഡ് ആൻഡ് കൺട്രോൾ സെന്ററിന് നേരെ അഫ്ഗാൻ താലിബാൻ സേന ഡ്രോൺ ആക്രമണം നടത്തി. ക്വറ്റയിലെ പന്ത്രണ്ടാം ഡിവിഷൻ ആസ്ഥാനത്തും ഖൈബർ പഖ്തൂൺഖ്വയിലെ സൈനിക കേന്ദ്രങ്ങളിലും ഒരേസമയം ആക്രമണം നടന്നതായി അഫ്ഗാനിസ്താൻ പ്രതിരോധ മന്ത്രാലയം സ്ഥിരീകരിച്ചു.
ജലാലാബാദിൽ പാകിസ്താന്റെ യുദ്ധവിമാനം താലിബാൻ വെടിവെച്ചിട്ടതായും പൈലറ്റിനെ ജീവനോടെ പിടികൂടിയതായും റിപ്പോർട്ടുകളുണ്ട്. വെള്ളിയാഴ്ച അഫ്ഗാൻ തലസ്ഥാനമായ കാബൂളിലും കന്ദഹാറിലും പാകിസ്താൻ നടത്തിയ വ്യോമാക്രമണത്തിന് മറുപടിയായാണ് ഈ നീക്കം. പാക് ആക്രമണത്തിൽ 133 താലിബാൻ പോരാളികൾ കൊല്ലപ്പെട്ടതായി പാകിസ്താൻ അവകാശപ്പെട്ടപ്പോൾ, തങ്ങളുടെ തിരിച്ചടിയിൽ 55 പാക് സൈനികർ കൊല്ലപ്പെട്ടതായി താലിബാനും അറിയിച്ചു. അഫ്ഗാനിസ്താനുമായി രാജ്യം ഇപ്പോൾ ‘തുറന്ന യുദ്ധ’ സാഹചര്യത്തിലാണെന്ന് പാകിസ്താൻ പ്രതിരോധ മന്ത്രി ഖവാജ ആസിഫ് പ്രഖ്യാപിച്ചു.
ഇറാൻ-ഇസ്രായേൽ യുദ്ധം കൊടുമ്പിരിക്കൊള്ളുന്ന പശ്ചിമേഷ്യൻ സാഹചര്യത്തിൽ പാക്-അഫ്ഗാൻ അതിർത്തിയിലെ ഈ പുതിയ പോരാട്ടം മേഖലയിലെ സമാധാനത്തിന് വൻ ഭീഷണിയാണ്. ഇറാൻ പ്രതിരോധ മന്ത്രിയും പരമോന്നത നേതാവ് ഖമേനിയും കൊല്ലപ്പെട്ടതിന് പിന്നാലെ മേഖലയിലുടനീളം പ്രത്യാക്രമണങ്ങൾ നടക്കുകയാണ്. പാകിസ്താനിലും അഫ്ഗാനിസ്താനിലുമുള്ള ആയിരക്കണക്കിന് മലയാളി പ്രവാസികൾ ഈ പുതിയ യുദ്ധസാഹചര്യത്തിൽ അതീവ ജാഗ്രതയിലാണ്. വിമാന സർവീസുകൾ റദ്ദാക്കിയതും അതിർത്തികൾ അടച്ചതും ജനജീവിതത്തെ സാരമായി ബാധിച്ചിട്ടുണ്ട്.
