അലപ്പോ: വടക്കൻ സിറിയയിലെ അലപ്പോ നഗരത്തിൽ സിറിയൻ സർക്കാർ സൈന്യവും കുർദിഷ് സേനയായ എസ്.ഡി.എഫും (SDF) തമ്മിലുള്ള പോരാട്ടം ശക്തമാകുന്നു (Aleppo Evacuation). കിഴക്കൻ അലപ്പോയിലെ ദെയർ ഹാഫർ, മസ്കാന എന്നീ പ്രദേശങ്ങളിൽ നിന്ന് ഒഴിഞ്ഞുപോകാൻ സിറിയൻ സൈന്യം സാധാരണക്കാർക്ക് നിർദ്ദേശം നൽകി. വ്യാഴാഴ്ച പ്രാദേശിക സമയം രാവിലെ 9 മുതൽ വൈകുന്നേരം 5 മണി വരെ ഇതിനായി മാനുഷിക ഇടനാഴി തുറന്നു നൽകി. ഈ മേഖലകളെ സൈനിക മേഖലകളായി പ്രഖ്യാപിച്ച സർക്കാർ, വൻതോതിൽ സൈനിക സന്നാഹങ്ങൾ ഇവിടേക്ക് അയച്ചിട്ടുണ്ട്.
കഴിഞ്ഞ ആഴ്ച അലപ്പോ നഗരത്തിനുള്ളിൽ നടന്ന കടുത്ത പോരാട്ടത്തിൽ 23 പേർ കൊല്ലപ്പെട്ടിരുന്നു. എസ്.ഡി.എഫ് പോരാളികളെ സിറിയൻ ദേശീയ സൈന്യത്തിന്റെ ഭാഗമാക്കുന്നതിനുള്ള കരാർ നടപ്പിലാക്കുന്നതിലെ കാലതാമസമാണ് വീണ്ടും സംഘർഷത്തിന് കാരണമായത്. 2024 ഡിസംബറിൽ ബഷർ അൽ അസദ് ഭരണകൂടം തകർന്നതിന് ശേഷം അധികാരമേറ്റ അഹമ്മദ് അൽ ഷറയുടെ നേതൃത്വത്തിലുള്ള ഇടക്കാല സർക്കാരും കുർദിഷ് സേനയും തമ്മിലുള്ള ഏറ്റവും വലിയ ഏറ്റുമുട്ടലാണിത്. അലപ്പോയിലെ ഷെയ്ഖ് മക്സൂദ്, അഷ്റഫിയ എന്നീ കുർദിഷ് ഭൂരിപക്ഷ പ്രദേശങ്ങളിൽ നിന്നും എസ്.ഡി.എഫ് പിന്മാറിയെങ്കിലും നഗരത്തിന് പുറത്ത് സംഘർഷം പുകയുകയാണ്.
The Syrian army has ordered civilians to evacuate rural parts of eastern Aleppo governorate, specifically Deir Hafer and Maskana, as a new front opens in the conflict with the Kurdish-led Syrian Democratic Forces (SDF). Following days of deadly clashes inside Aleppo city that killed at least 23 people, the military declared these areas "closed military zones" and established a humanitarian corridor for residents to leave on Thursday. Tensions have escalated due to stalled negotiations regarding the integration of SDF fighters into the national army under the post-Assad government led by President Ahmed al-Sharaa.