ടെഹ്‌റാൻ : യുഎസ് ബി-2 ബോംബർ വിമാനങ്ങൾ ആക്രമിച്ച ഇറാന്റെ ഫോർഡോ ആണവ സമ്പുഷ്ടീകരണ പ്ലാന്റിലെ പ്രവർത്തനങ്ങൾ തുടരുന്നതായി പുതിയ ഉപഗ്രഹ ചിത്രങ്ങൾ കാണിക്കുന്നു. മാക്‌സർ ടെക്‌നോളജീസ് ഞായറാഴ്ചയാണ് ചിത്രങ്ങൾ ശേഖരിച്ചത്. (Satellite imagery reveals ongoing work at Iranian nuclear site bombed by US)
"ഫോർഡോ ഇന്ധന സമ്പുഷ്ടീകരണ സമുച്ചയത്തിൽ കഴിഞ്ഞയാഴ്ചയുണ്ടായ വ്യോമാക്രമണങ്ങൾ മൂലമുണ്ടായ വെന്റിലേഷൻ ഷാഫ്റ്റുകളിലും സമീപത്തും നടന്നുകൊണ്ടിരിക്കുന്ന പ്രവർത്തനങ്ങൾ ഇത് വെളിപ്പെടുത്തുന്നു" എന്ന് മാക്‌സർ പറഞ്ഞു."ഒരു എക്‌സ്‌കവേറ്ററും നിരവധി ഉദ്യോഗസ്ഥരും ഭൂഗർഭ സമുച്ചയത്തിന് മുകളിലുള്ള വരമ്പിൽ വടക്കൻ ഷാഫ്റ്റിന് തൊട്ടടുത്തായി നിലയുറപ്പിച്ചിരിക്കുന്നു. ഷാഫ്റ്റിന്റെയോ ദ്വാരത്തിന്റെയോ പ്രവേശന കവാടത്തിൽ ക്രെയിൻ പ്രവർത്തിക്കുന്നുണ്ട്" എന്ന് ചിത്രങ്ങൾ കാണിക്കുന്നു.
മാക്‌സറിന്റെ അഭിപ്രായത്തിൽ, വരമ്പിന് താഴെ നിരവധി അധിക വാഹനങ്ങളും സ്ഥലത്തേക്ക് പ്രവേശിക്കുന്നതിനായി നിർമ്മിച്ച പാതയിൽ പാർക്ക് ചെയ്യുകയും ചെയ്തിട്ടുണ്ട്. ഈ മാസം ആദ്യം, അമേരിക്കൻ ബി-2 ബോംബറുകൾ ഇറാന്റെ ഫോർഡോ, നതാൻസ് ആണവ കേന്ദ്രങ്ങളിൽ ബങ്കർ-ബസ്റ്റർ ബോംബുകൾ വർഷിച്ചു. അതേസമയം യുഎസ് അന്തർവാഹിനിയിൽ നിന്ന് വിക്ഷേപിച്ച ടോമാഹോക്ക് മിസൈലുകൾ മധ്യ ഇറാനിലെ ഇസ്ഫഹാൻ സൈറ്റിൽ പതിച്ചു.
ഫോർഡോവിലെ രണ്ട് വെന്റിലേഷൻ ഷാഫ്റ്റുകളെ ലക്ഷ്യമിട്ടാണ് യുഎസ് മാസിവ് ഓർഡനൻസ് പെനട്രേറ്റർ (എംഒപി) ബോംബുകൾ പതിച്ചതെന്ന് ജോയിന്റ് ചീഫ്സ് ഓഫ് സ്റ്റാഫ് ചെയർമാൻ ഡാൻ കെയ്ൻ പറഞ്ഞു.