കീവ്: ഉക്രെയ്നിൽ റഷ്യ (Russia-Ukraine) നടത്തിയ പുതിയ മിസൈൽ, ഡ്രോൺ ആക്രമണങ്ങളിൽ ഒരാൾ കൊല്ലപ്പെടുകയും നിരവധി പേർക്ക് പരിക്കേൽക്കുകയും ചെയ്തു. ശൈത്യകാലം കടുക്കുന്നതിനിടെ ഉക്രെയ്നിലെ ഊർജ്ജ നിലയങ്ങളെ ലക്ഷ്യമിട്ടാണ് റഷ്യ വീണ്ടും ആക്രമണം ശക്തമാക്കിയത്. കീവ് മേഖലയിൽ ഒരു വീടിന് തീപിടിച്ച് 76 വയസ്സുള്ള വൃദ്ധയാണ് കൊല്ലപ്പെട്ടത്.
കീവ് ഉൾപ്പെടെ എട്ട് പ്രവിശ്യകളിൽ റഷ്യൻ ആക്രമണം ഉണ്ടായതായി ഔദ്യോഗിക വൃത്തങ്ങൾ അറിയിച്ചു. കീവിലെ വൈഷ്ഗൊറോഡ് ജില്ലയിൽ ഡ്രോൺ ആക്രമണത്തിൽ തകർന്ന വീടിന്റെ അവശിഷ്ടങ്ങൾ തെറിച്ചുവീണ് 16 വയസ്സുകാരിയുൾപ്പെടെ മൂന്ന് പേർക്ക് പരിക്കേറ്റു. മെട്രോ സ്റ്റേഷനിലേക്ക് പോവുകയായിരുന്ന ഒരു സ്ത്രീക്കും പരിക്കേറ്റിട്ടുണ്ട്. ഊർജ്ജ നിലയങ്ങൾക്ക് നേരെ ആക്രമണം ഉണ്ടായതിനെത്തുടർന്ന് കീവ് ഉൾപ്പെടെ പലയിടങ്ങളിലും അടിയന്തര വൈദ്യുതി നിയന്ത്രണം ഏർപ്പെടുത്തിയിരിക്കുകയാണ്.
രാജ്യത്തുടനീളം വ്യോമാക്രമണ മുന്നറിയിപ്പ് പുറപ്പെടുവിച്ചിട്ടുണ്ട്. ജനങ്ങളോട് സുരക്ഷിത സ്ഥാനങ്ങളിലേക്ക് മാറാൻ അധികൃതർ നിർദ്ദേശിച്ചു. ഉക്രെയ്നിന്റെ പ്രതിരോധ സംവിധാനങ്ങൾ പലയിടത്തും റഷ്യൻ മിസൈലുകളെ വെടിവെച്ചിട്ടുണ്ടെങ്കിലും ജനവാസ മേഖലകളിൽ അവശിഷ്ടങ്ങൾ വീണത് നാശനഷ്ടങ്ങൾ വർദ്ധിപ്പിച്ചു. ശൈത്യകാലത്ത് വൈദ്യുതിയും ചൂടും തടസ്സപ്പെടുത്തി ജനങ്ങളെ ദുരിതത്തിലാക്കാനാണ് റഷ്യയുടെ നീക്കമെന്ന് ഉക്രെയ്ൻ ആരോപിച്ചു.
Russia launched a massive wave of missile and drone strikes across Ukraine, targeting energy infrastructure and residential areas, resulting in at least one death and dozens of injuries. A 76-year-old woman was killed in the Kyiv region when her home caught fire after a drone strike, while emergency power outages were introduced in multiple provinces. As the entire country remains under air raid alert, authorities are warning citizens of continued threats to the national power grid during the peak of winter.