ബെർലിൻ: റഷ്യൻ ഫെഡറേഷന് നാറ്റോ (NATO) പ്രദേശത്തിന് നേരെ എപ്പോൾ വേണമെങ്കിലും പരിമിതമായ ആക്രമണം നടത്താനുള്ള ശേഷിയുണ്ട്, എന്നാൽ പ്രവർത്തിക്കാനുള്ള തീരുമാനം പാശ്ചാത്യ സഖ്യകക്ഷികളുടെ നിലപാടിനെ ആശ്രയിച്ചിരിക്കും എന്ന് ജർമ്മൻ സൈനിക ഉദ്യോഗസ്ഥൻ മുന്നറിയിപ്പ് നൽകി. പ്രമുഖ വാർത്ത ഏജൻസിയായ റോയിട്ടേഴ്‌സിന് നൽകിയ അഭിമുഖത്തിലാണ് ഈ വിവരം പങ്കുവച്ചത്. (Russia)
“റഷ്യയുടെ നിലവിലെ കഴിവുകളും പോരാട്ട ശക്തിയും നോക്കിയാൽ, നാളെ റഷ്യ നാറ്റോ പ്രദേശത്ത് ചെറിയ തോതിലുള്ള ആക്രമണം നടത്തിയേക്കാം,” ജർമ്മനിയുടെ ജോയിന്റ് ഓപ്പറേഷൻസ് കമാൻഡിന്റെ തലവനായ ലെഫ്റ്റനന്റ് ജനറൽ അലക്സാണ്ടർ സോൾഫ്രാങ്ക് റോയിട്ടേഴ്‌സിന് നൽകിയ അഭിമുഖത്തിൽ പറഞ്ഞു. റഷ്യ ഉക്രെയ്‌നിൽ കൂടുതൽ ശ്രദ്ധ കേന്ദ്രീകരിക്കുന്നതിനാൽ ആക്രമണം “ചെറുതും വേഗതയേറിയതും പ്രാദേശികവൽക്കരിക്കപ്പെട്ടതു” മായിരിക്കുമെന്ന് അദ്ദേഹം കൂട്ടിച്ചേർത്തു.
ഉക്രെയ്‌നിലെ തിരിച്ചടികൾക്കിടയിലും, റഷ്യയുടെ വ്യോമസേന ഗണ്യമായ പോരാട്ട ശേഷി നിലനിർത്തുന്നു, അവരുടെ ആണവ, മിസൈൽ സേനകളെ യുദ്ധം ബാധിച്ചിട്ടില്ലെന്ന് സോൾഫ്രാങ്ക് പറഞ്ഞു. കരസേനയ്ക്ക് നഷ്ടങ്ങൾ സംഭവിച്ചിട്ടുണ്ടെങ്കിലും, റഷ്യ തങ്ങളുടെ സൈനിക ശക്തി 1.5 ദശലക്ഷമായി ഉയർത്താൻ ലക്ഷ്യമിടുന്നതായും. റഷ്യൻ പ്രസിഡൻ്റ് വ്ലാഡിമിർ പുടിൻ ആക്രമണ ലക്ഷ്യങ്ങൾ നിഷേധിക്കുന്നുണ്ടെങ്കിലും, റഷ്യയുടെ ഹൈബ്രിഡ് യുദ്ധതന്ത്രങ്ങൾ, ഡ്രോൺ നുഴഞ്ഞുകയറ്റങ്ങൾ ഉൾപ്പെടെ, ഒരു സംയുക്ത തന്ത്രത്തിൻ്റെ ഭാഗമായി കാണണം എന്നും അദ്ദേഹം കൂട്ടിച്ചേർത്തു.
Summary: A top German military official, Lieutenant General Alexander Sollfrank, warned that Russia has the capability to launch a "small-scale, regionally limited attack" against NATO territory at any time, possibly as early as "tomorrow."