യുക്രെയ്ൻ: യുക്രെയ്നിൽ റഷ്യയുടെ മിസൈൽ ആക്രമണം. കിഴക്കൻ യുക്രെയ്‌നിലെ ഖാർകീവ് മേഖലയിലെ ബാലക്ലിയ (Balakliia) നഗരത്തിലാണ് റഷ്യ ആക്രമണം നടത്തിയത്. മിസൈൽ ആക്രമണത്തിൽ മൂന്ന് പേർ കൊല്ലപ്പെടുകയും 10 പേർക്ക് പരിക്കേൽക്കുകയും ചെയ്തു. ഞായറാഴ്ച രാത്രിയിലുണ്ടായ ആക്രമണത്തിൽ കെട്ടിടങ്ങൾക്കും വാഹനങ്ങൾക്കും കേടുപാടുകൾ സംഭവിച്ചതായി ഖാർകീവ് ഗവർണർ അറിയിച്ചു. റഷ്യയോട് അതിർത്തി പങ്കിടുന്ന പ്രദേശമാണ് ഖാർകീവ്. ആക്രമണത്തിന്റെ ചിത്രങ്ങൾ പ്രാദേശിക അധികൃതർ പുറത്തുവിട്ടു.
ഖാർകീവിൽ നടന്ന ആക്രമണത്തെ കുറിച്ച് റഷ്യ ഇതുവരെ പ്രതികരിച്ചിട്ടില്ല. യുക്രെയ്‌നിലെ രണ്ടാമത്തെ വലിയ നഗരമായ ഖാർകീവിൽ റഷ്യ മിസൈൽ, ഡ്രോൺ ആക്രമണങ്ങൾ നടത്തുന്നത് ഇപ്പോൾ പതിവാണ്. ഈ ആക്രമണങ്ങൾ വീടുകൾക്കും അടിസ്ഥാന സൗകര്യങ്ങൾക്കും വലിയ നാശനഷ്ടമുണ്ടാക്കുകയും വൈദ്യുതി ബന്ധം വിച്ഛേദിക്കുകയും ചെയ്യുന്നു. ഏകദേശം നാല് വർഷം മുമ്പ് റഷ്യ ആരംഭിച്ച യുദ്ധത്തിൽ ഇരുപക്ഷവും സാധാരണക്കാരെ ലക്ഷ്യമിടുന്നില്ലെന്ന് വാദിക്കുമ്പോഴും ആയിരക്കണക്കിന് ആളുകളാണ് കൊല്ലപ്പെട്ടിട്ടുള്ളത്. ഖാർകീവ് മേഖലയുടെ ചില ഭാഗങ്ങളിലും ഇസിയം നഗരത്തിലും ഞായറാഴ്ച രാത്രിയുണ്ടായ ആക്രമണങ്ങളെത്തുടർന്ന് വൈദ്യുതി ബന്ധം തടസ്സപ്പെട്ടിരുന്നു.
A Russian missile strike on the eastern Ukrainian city of Balakliia in the Kharkiv region killed three people and wounded 10 others, including three teenagers. The overnight attack damaged multi-storey residential blocks and destroyed numerous cars in the city center. This latest incident is part of the regular missile and drone attacks Russia conducts on Ukraine's second-largest city, which continues to suffer from extensive damage to infrastructure and homes.