വെല്ലിംഗ്ടൺ: ട്രാൻസ്ജെൻഡർ യുവജനങ്ങൾക്കുള്ള പ്യൂബർട്ടി ബ്ലോക്കിംഗ് (Puberty blocker) മരുന്നുകളുടെ പുതിയ കുറിപ്പടികൾ നിരോധിച്ച് ന്യൂസിലാൻഡ്. സർക്കാരിന്റെ ഈ നടപടി ട്രാൻസ്ജെൻഡറുകൾക്കിടയിൽ മാനസികാരോഗ്യത്തെ കൂടുതൽ വഷളാക്കുമെന്ന് വിമർശകർ മുന്നറിയിപ്പ് നൽകി. ചികിത്സ തേടുന്നതിലെ തിടുക്കത്തെക്കുറിച്ചും ജീവൻ രക്ഷിക്കുമെന്ന് കരുതുന്ന പ്രതിവിധികളുടെ ലഭ്യതയെക്കുറിച്ചുമുള്ള ആഗോള ചർച്ചകൾക്കിടയിലാണ് ന്യൂസിലാൻഡിൻ്റെ ഈ തീരുമാനം.
ഗുണനിലവാരമുള്ള തെളിവുകളുടെ അഭാവമാണ് നിരോധനത്തിന് കാരണമെന്ന് ന്യൂസിലാൻഡിൻ്റെ ആരോഗ്യ മന്ത്രി സിമിയോൺ ബ്രൗൺ വ്യക്തമാക്കി. ഇത്തരം മരുന്നുകൾ ഉപയോഗിക്കുന്നതിലൂടെ ഉണ്ടാകുന്ന നേട്ടങ്ങളോ അപകടസാധ്യതകളോ തെളിയിക്കുന്നതിന് മതിയായ ഗുണനിലവാരമുള്ള തെളിവുകൾ ഇല്ലെന്ന് ആരോഗ്യ മന്ത്രാലയം കണ്ടെത്തി.
'ജെൻഡർ ഡിസ്‌ഫോറിയ' (Gender Dysphoria) അല്ലെങ്കിൽ 'ജെൻഡർ ഇൻകോൺഗ്രുവൻസ്' (Gender Incongruence) എന്നീ അവസ്ഥകൾക്കായി ഗോണഡോട്രോപിൻ-റിലീസിംഗ് ഹോർമോൺ അനലോഗുകൾ കുറിച്ച് നൽകുന്നതിൽ നിന്ന് ഡോക്ടർമാരെ വിലക്കുന്നതാണ് പുതിയ നിയമം.
നിരോധനം ഡിസംബർ 19 മുതൽ നിലവിൽ വരും. നിലവിൽ ഈ മരുന്നുകൾ ഉപയോഗിക്കുന്നവർക്കും, നേരത്തെയുള്ള പ്രായപൂർത്തിയാകൽ, എൻഡോമെട്രിയോസിസ്, പ്രോസ്റ്റേറ്റ് കാൻസർ എന്നിവയ്ക്ക് ചികിത്സ തേടുന്നവർക്കും മരുന്നുകൾ തുടർന്നും ലഭ്യമാകും. ഈ നിരോധനം ന്യൂസിലാൻഡിലെ ട്രാൻസ്ജെൻഡർ, ജെൻഡർ വൈവിധ്യമുള്ള യുവാക്കളുടെ ജീവിതത്തിലും ക്ഷേമത്തിലും വിനാശകരമായ സ്വാധീനം ചെലുത്തുമെന്ന് പ്രൊഫഷണൽ അസോസിയേഷൻ ഫോർ ട്രാൻസ്ജെൻഡർ ഹെൽത്ത് ഓട്ടിയറോവ മുന്നറിയിപ്പ് നൽകി. ഇത് മാനസികാരോഗ്യ നില വഷളാകാനും ആത്മഹത്യാ പ്രവണത വർദ്ധിപ്പിക്കാനും ഇടയാക്കുമെന്നും അവർ ചൂണ്ടിക്കാട്ടി. യുകെ ഉൾപ്പെടെയുള്ള ചില രാജ്യങ്ങൾ 18 വയസ്സിന് താഴെയുള്ളവർക്ക് ഈ മരുന്നുകളുടെ വിതരണത്തിന് താൽക്കാലിക നിരോധനം ഏർപ്പെടുത്തിയിട്ടുണ്ട്.
New Zealand has announced a ban on new prescriptions of puberty blocking drugs for young transgender individuals seeking treatment for gender dysphoria, effective December 19. Health Minister Simeon Brown cited the Ministry of Health's finding of a lack of "high-quality evidence that demonstrates the benefits or risks" of these medications for this purpose.