സെബു സിറ്റി: ഫിലിപ്പീൻസിലെ സെബു സിറ്റിയിലുള്ള ബിനാലിവ് മാലിന്യ സംസ്കരണ കേന്ദ്രത്തിൽ വൻ മാലിന്യമല ഇടിഞ്ഞുവീണുണ്ടായ അപകടത്തിൽ ഒരു മരണം സ്ഥിരീകരിച്ചു (Philippines Landfill Collapse). വ്യാഴാഴ്ച വൈകുന്നേരമുണ്ടായ ഈ ദുരന്തത്തിൽ എട്ട് പേരെ പരിക്കുകളോടെ രക്ഷപ്പെടുത്തിയെങ്കിലും 27-ലധികം തൊഴിലാളികളെ ഇനിയും കണ്ടെത്താനുണ്ടെന്ന് പോലീസ് അറിയിച്ചു. പരിക്കേറ്റ ഒരു വനിതാ തൊഴിലാളി ആശുപത്രിയിലേക്കുള്ള യാത്രാമധ്യേയാണ് മരണപ്പെട്ടത്.
നാല് നിലയോളം ഉയരമുള്ള മാലിന്യക്കൂമ്പാരമാണ് ഇടിഞ്ഞുവീണത്. ഇതിനടിയിൽ മാലിന്യ പ്ലാന്റിലെ ഓഫീസുകളും ജീവനക്കാരുടെ വിശ്രമമുറികളും ഉൾപ്പെടെയുള്ള കെട്ടിടങ്ങൾ പൂർണ്ണമായും തകർന്നു. അപകടസമയത്ത് പ്ലാന്റിനുള്ളിൽ 110-ഓളം ജീവനക്കാർ ഉണ്ടായിരുന്നു. 13 പേരെ രാത്രിയോടെ രക്ഷപ്പെടുത്തിയെങ്കിലും ബാക്കിയുള്ളവർക്കായി തിരച്ചിൽ തുടരുകയാണ്. പ്രദേശത്ത് മൊബൈൽ സിഗ്നൽ കുറവായത് രക്ഷാപ്രവർത്തനത്തെ പ്രതികൂലമായി ബാധിക്കുന്നുണ്ട്.
അപകടകാരണം വ്യക്തമല്ലെങ്കിലും, കഴിഞ്ഞ വർഷം അവസാനമുണ്ടായ ടൈഫൂണുകളും ഭൂചലനവും മാലിന്യമലയുടെ ഉറപ്പിനെ ബാധിച്ചിരിക്കാമെന്ന് അധികൃതർ സംശയിക്കുന്നു. ദുരന്തബാധിതരായ കുടുംബങ്ങൾക്ക് എല്ലാവിധ സഹായങ്ങളും ഉറപ്പാക്കുമെന്ന് സെബു സിറ്റി മേയർ നെസ്റ്റർ ആർച്ചിവൽ അറിയിച്ചു. ഫിലിപ്പീൻസിന്റെ ചരിത്രത്തിലെ തന്നെ വലിയ മാലിന്യമല അപകടങ്ങളിൽ ഒന്നായാണ് ഇതിനെ കാണുന്നത്.
A massive landfill collapse at a waste segregation facility in Binaliw, Cebu City, has left at least one person dead and dozens missing. The avalanche of garbage crushed several administrative buildings, trapping workers under debris nearly four storeys high. While several individuals have been rescued and hospitalized, search and retrieval operations continue as authorities investigate the cause of the disaster.