ഖൈബർ പഖ്തൂൺഖ്‌വ: അസർ നമസ്കാര സമയത്ത് പാകിസ്ഥാൻ സൈന്യം ( Pakistan Army) ഒരു പള്ളിക്ക് നേരെ ബോംബാക്രമണം നടത്തിയതായി റിപ്പോർട്ടുകൾ. വടക്കൻ വസീറിസ്ഥാനിലെ ദോമേൽ സ്പാർക്ക തഹ്‌സീലിലുള്ള സലേ ബനൂൺ ഗ്രാമത്തിലെ ഒരു പള്ളിക്ക് നേരെയാണ് ആക്രമണം നടത്തിയതായി മനുഷ്യാവകാശ സംഘടനയായ പഷ്തൂൺ തഹഫുസ് മൂവ്‌മെൻ്റ് (പിടിഎം) ഹോളണ്ട് ആരോപിച്ചു. ആക്രമണത്തിൽ രണ്ട് പഷ്തൂൺ സാധാരണക്കാർക്ക് പരിക്കേറ്റതായും പിടിഎം പ്രസ്താവനയിൽ അറിയിച്ചു.
മതപരമായ പവിത്രതയ്ക്കും മനുഷ്യൻ്റെ അന്തസ്സിനും നേരെയുള്ള ആക്രമണമാണിതെന്ന് പിടിഎം ഹോളണ്ട് അപലപിച്ചു. പഷ്തൂൺ പ്രദേശങ്ങളെ 'യുദ്ധത്തിനുള്ള പരീക്ഷണ ഭൂമിയായി' പതിറ്റാണ്ടുകളായി പാകിസ്ഥാൻ മാറ്റുന്നു എന്ന ആരോപണവും പാക് സേനക്ക് എതിരെ ശക്തമായി. "ആരാധനാലയങ്ങൾ, വീടുകൾ, സ്‌കൂളുകൾ, ഗ്രാമങ്ങൾ, ഒന്നും സുരക്ഷിതമായി സൂക്ഷിക്കപ്പെട്ടിട്ടില്ല," എന്നും, "ഏത് നിയമപ്രകാരം, ഏത് യുദ്ധത്തിൻ്റെ പേരിൽ, ഏത് മാനുഷികതയുടെ അടിസ്ഥാനത്തിലാണ് പള്ളിക്ക് നേരെ ബോംബാക്രമണം നടത്തിയത്" എന്നും വ്യക്തമാക്കാൻ സംഘടന സർക്കാരിനോട് ആവശ്യപ്പെട്ടു. ഈ ആക്രമണം പഷ്തൂൺ സമൂഹങ്ങൾക്കെതിരായ വ്യവസ്ഥാപിത അക്രമത്തിൻ്റെ ഒരു രീതിയെയാണ് പ്രതിഫലിപ്പിക്കുന്നതെന്നും, നിലവിലുള്ള സൈനികവൽക്കരണം കാരണം പ്രദേശവാസികൾ ഭയത്തിലും ഒറ്റപ്പെടലിലുമാണ് ജീവിക്കുന്നതെന്നും പിടിഎം കൂട്ടിച്ചേർത്തു.
The Pashtun Tahafuz Movement (PTM) Holland alleged that the Pakistani Army bombed a mosque during Asr prayers in Zalae Banoon village, North Waziristan, injuring two Pashtun civilians. The group condemned the attack as an assault on religious sanctity and a reflection of "decades-long Pakistani state oppression" and systemic violence against Pashtun communities.