ദുബായ്: ഇറാനിൽ പണപ്പെരുപ്പത്തിനും സാമ്പത്തിക തകർച്ചയ്ക്കുമെതിരെ നടക്കുന്ന പ്രതിഷേധത്തിനിടയിൽ ഒരാൾ കൊല്ലപ്പെട്ടതായി ഇറാൻ ഔദ്യോഗിക മാധ്യമങ്ങൾ സ്ഥിരീകരിച്ചു (Economic Crisis Iran). പടിഞ്ഞാറൻ ഇറാനിലെ ലൊറെസ്താൻ പ്രവിശ്യയിലുണ്ടായ സംഘർഷത്തിനിടയിൽ 21 വയസ്സുള്ള അമീർ ഹൊസാം ഖോദയാരി ഫർദ് എന്ന അർദ്ധസൈനിക വിഭാഗം (Basij) അംഗമാണ് കൊല്ലപ്പെട്ടത്. കഴിഞ്ഞ മൂന്ന് വർഷത്തിനിടയിലെ ഏറ്റവും വലിയ പ്രതിഷേധത്തിനാണ് ഇറാൻ ഇപ്പോൾ സാക്ഷ്യം വഹിക്കുന്നത്.
ഇറാനിലെ പണപ്പെരുപ്പം 42.5 ശതമാനത്തിൽ എത്തിനിൽക്കുകയാണ്. ഇറാനിയൻ കറൻസിയായ 'റിയാലിന്റെ' മൂല്യം 2025-ൽ മാത്രം പകുതിയോളം ഇടിഞ്ഞു. ഇത് സാധാരണക്കാരുടെ ജീവിതം ദുസ്സഹമാക്കി. ജൂൺ മാസത്തിൽ ഇസ്രായേലുമായും അമേരിക്കയുമായും ഉണ്ടായ വ്യോമാക്രമണങ്ങളും പാശ്ചാത്യ രാജ്യങ്ങളുടെ സാമ്പത്തിക ഉപരോധവും ഇറാന്റെ സമ്പദ്വ്യവസ്ഥയെ തകർത്തു. പണപ്പെരുപ്പത്തിൽ പ്രതിഷേധിച്ച് കഴിഞ്ഞ ഞായറാഴ്ച മുതൽ വ്യാപാരികളും കടയുടമകളും കടകളടച്ച് സമരത്തിലാണ്. വിവിധ സർവകലാശാലകളിലെ വിദ്യാർത്ഥികളും പ്രക്ഷോഭത്തിൽ പങ്കുചേർന്നു.
മുൻകാലങ്ങളിൽ പ്രതിഷേധങ്ങളെ അടിച്ചമർത്തുന്ന രീതിയായിരുന്നു ഇറാന്റെ ഭാഗത്തുനിന്നുണ്ടായിരുന്നതെങ്കിൽ, ഇത്തവണ കൂടുതൽ അനുനയ ചർച്ചകൾക്ക് സർക്കാർ തയ്യാറാകുന്നുണ്ട്. പ്രതിഷേധക്കാരുടെ "ന്യായമായ ആവശ്യങ്ങൾ" കേൾക്കാൻ ആഭ്യന്തര മമന്ത്രിയോട് പ്രസിഡന്റ് മസൂദ് പെസെഷ്കിയാൻ ആവശ്യപ്പെട്ടു. എന്നാൽ, പ്രധാന നഗരങ്ങളിൽ വൻതോതിൽ സുരക്ഷാ സേനയെ വിന്യസിച്ചിട്ടുണ്ടെന്നും നിരവധി പേർ അറസ്റ്റിലായെന്നും റിപ്പോർട്ടുകളുണ്ട്.
One person has been killed in Iran as protests over high inflation and economic instability sweep across the country. The victim was identified as a 21-year-old member of the paramilitary Basij force during clashes in Lorestan province. With inflation hitting 42.5% and the Iranian rial losing half its value in 2025, merchants and students have taken to the streets, marking the most significant unrest in three years. While the government has offered dialogue, security forces remain heavily deployed in major cities.