സിംഗപ്പൂർ: ആഗോള വിപണിയിൽ തുടർച്ചയായ നാല് ദിവസത്തെ മുന്നേറ്റത്തിന് ശേഷം എണ്ണവിലയിൽ നേരിയ കുറവ് രേഖപ്പെടുത്തി (Oil Prices). വെനിസ്വേലയിൽ നിന്നുള്ള എണ്ണ കയറ്റുമതി പുനരാരംഭിച്ചതും അമേരിക്കയിലെ അസംസ്കൃത എണ്ണ ശേഖരത്തിലുണ്ടായ വർദ്ധനയുമാണ് വില കുറയാൻ കാരണമായത്. ബുധനാഴ്ച ബ്രെന്റ് ക്രൂഡ് ഫ്യൂച്ചേഴ്സ് ബാരലിന് 65.27 ഡോളറിലും യുഎസ് വെസ്റ്റ് ടെക്സസ് ഇന്റർമീഡിയറ്റ് (WTI) 60.92 ഡോളറിലുമാണ് വ്യാപാരം നടക്കുന്നത്.
അമേരിക്കൻ പ്രസിഡന്റ് ഡോണാൾഡ് ട്രംപിന്റെ ഇടപെടലിനെത്തുടർന്ന് വെനിസ്വേലയിൽ നിന്നുള്ള എണ്ണ കയറ്റുമതി പുനരാരംഭിച്ചതാണ് വിപണിയിലെ പ്രധാന മാറ്റം. രണ്ട് കൂറ്റൻ ടാങ്കറുകൾ 1.8 ദശലക്ഷം ബാരൽ എണ്ണയുമായി വെനിസ്വേലൻ തീരം വിട്ടു. എന്നാൽ, ഇറാനിൽ തുടരുന്ന കടുത്ത ആഭ്യന്തര പ്രക്ഷോഭങ്ങളും സുരക്ഷാ വെല്ലുവിളികളും എണ്ണ വിതരണത്തെ ബാധിക്കുമെന്ന ആശങ്ക വിപണിയിൽ ശക്തമാണ്. ഇറാനിലെ സ്ഥിതിഗതികൾ വരും ദിവസങ്ങളിൽ അന്താരാഷ്ട്ര തലത്തിൽ എണ്ണവില വീണ്ടും ഉയരാൻ കാരണമായേക്കാമെന്ന് സാമ്പത്തിക വിദഗ്ധർ വിലയിരുത്തുന്നു.
Oil prices dipped on Wednesday after a four-day rally, following the resumption of Venezuelan crude exports and a surprise build-up in U.S. inventories. Two supertankers departed Venezuela, marking the start of a major supply deal after recent political shifts involving U.S. intervention. However, ongoing civil unrest in Iran, a major OPEC producer, continues to raise fears of potential supply disruptions, keeping a significant geopolitical risk premium on global oil benchmarks.