അബുജ: നൈജീരിയയിലെ സെൻട്രൽ പ്ലേറ്റോ സംസ്ഥാനത്ത് ഖനി കേന്ദ്രത്തിന് നേരെയുണ്ടായ വെടിവെപ്പിൽ ഏഴ് പേർ കൊല്ലപ്പെട്ടു (Nigeria Plateau State Attack). ബുധനാഴ്ച രാത്രിയോടെയാണ് സംഭവം നടന്നതെന്ന് പ്രാദേശിക യുവജന സംഘടനയായ ബെറോം യൂത്ത് മോൾഡേഴ്സ് അസോസിയേഷനും (BYM) സർക്കാർ വൃത്തങ്ങളും സ്ഥിരീകരിച്ചു. നൈജീരിയയിലെ വിവിധ വംശീയ-മത വിഭാഗങ്ങൾ തിങ്ങിപ്പാർക്കുന്ന 'മിഡിൽ ബെൽറ്റ്' മേഖലയിലാണ് ഈ പ്രദേശം.
കൊല്ലപ്പെട്ടവർ 15-നും 28-നും ഇടയിൽ പ്രായമുള്ളവരാണെന്ന് ബി വൈ എം അറിയിച്ചു. ബെറോം സമുദായത്തിന് നേരെ ആസൂത്രിതമായി നടക്കുന്ന ആക്രമണങ്ങളുടെ ഭാഗമാണിതെന്ന് അവർ ആരോപിച്ചു. ഒരേ സമയം നാടോടികളായ മുസ്ലീം കന്നുകാലി വളർത്തുകാരും ക്രിസ്ത്യൻ കർഷകരും തമ്മിലുള്ള സംഘർഷമായാണ് ഈ മേഖലയിലെ അക്രമങ്ങൾ പലപ്പോഴും വിലയിരുത്തപ്പെടാറുള്ളത്. കഴിഞ്ഞ ഏതാനും വർഷങ്ങളായി ഇവിടെ വംശീയ കലാപങ്ങളിൽ നൂറുകണക്കിന് ആളുകൾക്ക് ജീവൻ നഷ്ടപ്പെട്ടിട്ടുണ്ട്.
രാത്രികാല ഖനനത്തിനുള്ള നിരോധനം നിലനിൽക്കെ സൈറ്റിൽ തുടർന്ന തൊഴിലാളികളാണ് കൊല്ലപ്പെട്ടതെന്ന് സൈനിക വക്താവ് അറിയിച്ചു. സംഭവസ്ഥലത്ത് നിന്ന് വെടിയുണ്ടകൾ കണ്ടെടുത്തതായും സൈന്യം സ്ഥിരീകരിച്ചു. നൈജീരിയയിലെ ക്രിസ്ത്യാനികൾ വേട്ടയാടപ്പെടുകയാണെന്ന് യുഎസ് പ്രസിഡന്റ് ഡൊണാൾഡ് ട്രംപ് നേരത്തെ ആരോപിച്ചിരുന്നു. എന്നാൽ ക്രിസ്ത്യാനികളെ ലക്ഷ്യം വെച്ചുള്ള ആസൂത്രിത പീഡനം നടക്കുന്നില്ലെന്നും ഇസ്ലാമിസ്റ്റ് ഗ്രൂപ്പുകളെയും അക്രമികളെയും അടിച്ചമർത്താനാണ് സർക്കാർ ശ്രമിക്കുന്നതെന്നും നൈജീരിയൻ അധികൃതർ പ്രതികരിച്ചു.
Seven miners were shot dead in an overnight attack at a mining site in Nigeria's Plateau state, a flashpoint for communal violence. The victims, aged 15 to 28, belonged to the Berom community, which has frequently been targeted in coordinated assaults. The military confirmed finding seven bodies and spent cartridges, noting the victims violated a night-time mining ban. While the conflict is often viewed as ethno-religious between Muslim herders and Christian farmers, the Nigerian government denies systematic persecution of Christians, maintaining it is tackling violent groups affecting all civilians.