വാഷിംഗ്ടൺ: അമേരിക്കൻ സൈന്യം പിടികൂടിയ വെനസ്വേലൻ പ്രസിഡന്റ് നിക്കോളാസ് മഡൂറോയെ (Nicolas Maduro) തിങ്കളാഴ്ച യു.എസ് കോടതിയിൽ ഹാജരാക്കും. ലഹരിക്കടത്ത്, ഭീകരവാദ ഗൂഢാലോചന തുടങ്ങിയ കുറ്റങ്ങൾ ചുമത്തിയാണ് മഡൂറോയെ ന്യൂയോർക്കിലെ ഫെഡറൽ കോടതിയിൽ ഹാജരാക്കുന്നത്. കഴിഞ്ഞ ശനിയാഴ്ച കാരക്കാസിൽ അമേരിക്കൻ സൈന്യം നടത്തിയ മിന്നൽ നീക്കത്തിലൂടെയാണ് മഡൂറോയെ പിടികൂടിയത്.
വെനസ്വേല തങ്ങളുടെ എണ്ണ വ്യവസായം തുറന്നുകൊടുക്കാനും മയക്കുമരുന്ന് കടത്ത് തടയാനും തയ്യാറായില്ലെങ്കിൽ കൂടുതൽ സൈനിക ആക്രമണങ്ങൾ ഉണ്ടാകുമെന്ന് യു.എസ് പ്രസിഡന്റ് ഡൊണാൾഡ് ട്രംപ് മുന്നറിയിപ്പ് നൽകി. "ഞങ്ങൾ കാര്യങ്ങൾ നിയന്ത്രിക്കാൻ തുടങ്ങിയിരിക്കുന്നു, അവർ മോഷ്ടിച്ചവ ഞങ്ങൾ തിരിച്ചുപിടിക്കും" എന്ന് ട്രംപ് മാധ്യമങ്ങളോട് പറഞ്ഞു. മഡൂറോയുടെ പതനത്തിന് പിന്നാലെ വെനസ്വേലയിലെ എണ്ണ വ്യവസായം പുനർനിർമ്മിക്കാൻ യു.എസ് കമ്പനികൾ കോടിക്കണക്കിന് ഡോളർ നിക്ഷേപിക്കുമെന്നും അദ്ദേഹം കൂട്ടിച്ചേർത്തു. അതേസമയം, വെനസ്വേലയിൽ വൈസ് പ്രസിഡന്റ് ഡെൽസി റോഡ്രിഗസ് താൽക്കാലിക ചുമതലയേറ്റെടുത്തിട്ടുണ്ട്. മഡൂറോയുടെ ഭാര്യ സിലിയ ഫ്ലോറസിനെതിരെയും നിലവിൽ കേസുകൾ ചുമത്തിയിട്ടുണ്ട്.
Venezuelan President Nicolas Maduro is scheduled to appear in a New York court on Monday following his capture by U.S. forces. President Donald Trump has threatened further military strikes if Venezuela fails to cooperate with U.S. interests regarding drug trafficking and the oil industry. While Maduro faces narco-terrorism charges, his government in Caracas remains defiant under interim leadership.