ജറുസലേം: അധിനിവേശ വെസ്റ്റ് ബാങ്കിൽ പലസ്തീനികൾക്കെതിരെ ഇസ്രായേലികൾ നടത്തുന്ന അതിക്രമങ്ങൾ തടയാൻ അടിയന്തരമായി മന്ത്രിസഭാ യോഗം വിളിച്ചു ചേർക്കുമെന്ന് പ്രധാനമന്ത്രി ബെഞ്ചമിൻ നെതന്യാഹു ( Benjamin Netanyahu). നിയമം കൈയിലെടുക്കാൻ ശ്രമിക്കുന്ന തീവ്രവാദ ഗ്രൂപ്പികളുടെ അക്രമാസക്തമായ പ്രവൃത്തികളെ താൻ അതീവ ഗൗരവത്തോടെയാണ് കാണുന്നതെന്നും കുറ്റക്കാർക്കെതിരെ ശക്തമായ നിയമനടപടി സ്വീകരിക്കുമെന്നും നെതന്യാഹു വ്യക്തമാക്കി. ഇസ്രായേലിലെ ഭൂരിപക്ഷം പൗരന്മാരെയും പ്രതിനിധീകരിക്കുന്നവയല്ല ഈ അതിക്രമങ്ങളെന്നും സർക്കാർ വക്താവ് കൂട്ടിച്ചേർത്തു.
തിങ്കളാഴ്ച ജബ്അ, സൈർ എന്നീ പലസ്തീൻ ഗ്രാമങ്ങളിലെ വീടുകൾക്കും വാഹനങ്ങൾക്കും തീയിട്ടതായി പ്രാദേശിക വാർത്താ ഏജൻസിയായ വാഫ റിപ്പോർട്ട് ചെയ്തു. ഈ സാഹചര്യത്തിൽ, ഇസ്രായേലി ആക്രമണങ്ങൾ തടയാൻ അന്താരാഷ്ട്ര സമൂഹം ഉടൻ ഇടപെടണമെന്ന് പലസ്തീൻ മന്ത്രിസഭ ആവശ്യപ്പെട്ടു. ഒക്ടോബറിൽ മാത്രം 264 ആക്രമണങ്ങളാണ് പലസ്തീനികൾക്കെതിരെ നടന്നതെന്നും ഇത് 2006-ന് ശേഷം യുഎൻ രേഖപ്പെടുത്തിയതിൽ ഏറ്റവും ഉയർന്ന പ്രതിമാസ കണക്കാണെന്നും യുഎൻ ഓഫീസ് ഫോർ ദി കോർഡിനേഷൻ ഓഫ് ഹ്യൂമാനിറ്റേറിയൻ അഫയേഴ്‌സ് അറിയിച്ചു.
Israeli Prime Minister Benjamin Netanyahu announced he would urgently convene cabinet ministers to ensure that Israelis responsible for the recent attacks against Palestinians in the occupied West Bank are brought to justice. The promise to crack down comes after Israelis torched homes and vehicles in the Palestinian village of Jab'a and attacked property in Sa’ir, escalating international pressure on Israel to curb the violence.