ദി ഹേഗ്: റോഹിങ്ക്യൻ മുസ്ലീം ന്യൂനപക്ഷങ്ങൾക്കെതിരെ വംശഹത്യ നടത്തിയെന്നാരോപിച്ച് അന്താരാഷ്ട്ര നീതിന്യായ കോടതിയിൽ നടക്കുന്ന കേസ് അശാസ്ത്രീയവും അടിസ്ഥാനരഹിതവുമാണെന്ന് മ്യാൻമർ (Rohingya Genocide). ഗാംബിയ സമർപ്പിച്ച കേസിനെതിരെ മ്യാൻമർ വിദേശകാര്യ മന്ത്രാലയമാണ് ബുധനാഴ്ച പ്രസ്താവനയിറക്കിയത്. വംശീയ ഉന്മൂലനം ലക്ഷ്യമിട്ടുള്ള സൈനിക നടപടിയാണ് 2017-ൽ നടന്നതെന്ന ആരോപണം തെറ്റാണെന്നും അത് തീവ്രവാദ വിരുദ്ധ പ്രവർത്തനമായിരുന്നു എന്നുമാണ് മ്യാൻമറിന്റെ വാദം.
2017-ലെ സൈനിക അടിച്ചമർത്തലിനെത്തുടർന്ന് ഏകദേശം 7.5 ലക്ഷം റോഹിങ്ക്യകളാണ് പലായനം ചെയ്ത് ബംഗ്ലാദേശിലെ അഭയകേന്ദ്രങ്ങളിൽ എത്തിയത്. നിലവിൽ 11.7 ലക്ഷം റോഹിങ്ക്യകൾ ബംഗ്ലാദേശിലെ കോക്സ് ബസാർ ക്യാമ്പുകളിൽ ദുരിതപൂർണ്ണമായ സാഹചര്യത്തിൽ കഴിയുന്നുണ്ട്. ഐക്യരാഷ്ട്രസഭ ഈ സൈനിക നീക്കത്തെ "വംശീയ ഉന്മൂലനത്തിന്റെ പാഠപുസ്തക ഉദാഹരണം" എന്ന് വിശേഷിപ്പിച്ചിരുന്നു. എന്നാൽ ബുധനാഴ്ച പുറത്തിറക്കിയ പ്രസ്താവനയിൽ 'റോഹിങ്ക്യ' എന്ന വാക്ക് ഉപയോഗിക്കാൻ പോലും മ്യാൻമർ ഭരണകൂടം തയ്യാറായിട്ടില്ല. പകരം "രഖൈൻ സംസ്ഥാനത്തെ വ്യക്തികൾ" എന്നാണ് ഇവരെ വിശേഷിപ്പിച്ചിരിക്കുന്നത്.
2019-ൽ പശ്ചിമാഫ്രിക്കൻ രാജ്യമായ ഗാംബിയയാണ് മ്യാൻമറിനെതിരെ അന്താരാഷ്ട്ര നീതിന്യായ കോടതിയിൽ കേസ് നൽകിയത്. ജനുവരി 12-ന് ആരംഭിച്ച വിചാരണ മൂന്ന് ആഴ്ച നീണ്ടുനിൽക്കും. മ്യാൻമറിന്റെ ഔദ്യോഗിക പ്രതികരണം വെള്ളിയാഴ്ച കോടതിയിൽ സമർപ്പിക്കും. കോടതി വിധി നടപ്പാക്കാൻ അന്താരാഷ്ട്ര നീതിന്യായ കോടതിക്ക് സ്വന്തമായി സൈനിക അധികാരമില്ലെങ്കിലും, കുറ്റക്കാരെന്ന് കണ്ടെത്തിയാൽ മ്യാൻമറിന് മേൽ വലിയ അന്താരാഷ്ട്ര രാഷ്ട്രീയ സമ്മർദ്ദം ഉണ്ടാകും. ഗാസയിലെ വംശഹത്യയുമായി ബന്ധപ്പെട്ട് ദക്ഷിണാഫ്രിക്ക ഇസ്രായേലിനെതിരെ നൽകിയ കേസിലും ഈ വിധി നിർണ്ണായകമാകും.
Myanmar's military government has dismissed the genocide case at the International Court of Justice (ICJ) as "flawed and unfounded," claiming its 2017 operations were counter-terrorism measures rather than ethnic cleansing. The case, brought by The Gambia, concerns the violent displacement of 750,000 Rohingya Muslims, over a million of whom now reside in overcrowded camps in Bangladesh. While a final ruling may take years, the outcome of this trial is expected to set a global legal precedent for other ongoing genocide petitions.