നെയ്റോബി: ഉഗാണ്ടയിൽ നടന്ന വിവാദപരമായ പ്രസിഡന്റ് തിരഞ്ഞെടുപ്പിന് പിന്നാലെ പ്രതിപക്ഷ അനുയായികൾക്ക് നേരെ അതിരൂക്ഷമായ അടിച്ചമർത്തൽ (Muhoozi Kainerugaba Opposition Crackdown). കഴിഞ്ഞ ജനുവരി 15-ന് നടന്ന തിരഞ്ഞെടുപ്പിൽ നിലവിലെ പ്രസിഡന്റ് യോവേരി മുസേവേനി (Yoweri Museveni) ഏഴാം തവണയും വിജയിച്ചതായി പ്രഖ്യാപിച്ചതിന് പിന്നാലെയാണ് രാജ്യം വലിയ സംഘർഷത്തിലേക്ക് നീങ്ങിയത്. പ്രതിപക്ഷ പാർട്ടിയായ നാഷണൽ യൂണിറ്റി പ്ലാറ്റ്ഫോമിലെ (NUP) 2000 അനുയായികളെ കസ്റ്റഡിയിലെടുത്തതായും 30 പേരെ വധിച്ചതായും മുസേവേനിയുടെ മകനും ഉഗാണ്ടൻ സൈനിക മേധാവിയുമായ മുഹൂസി കൈനെറുഗാബ സ്ഥിരീകരിച്ചു.
സമൂഹമാധ്യമങ്ങളിലൂടെയാണ് സൈനിക മേധാവി ഈ വിവരങ്ങൾ പുറത്തുവിട്ടത്. കൊല്ലപ്പെട്ടവരെ "ഭീകരർ" എന്നാണ് അദ്ദേഹം വിശേഷിപ്പിച്ചത്. കൂടുതൽ പ്രതിപക്ഷ നേതാക്കൾക്കായി തിരച്ചിൽ തുടരുകയാണെന്നും എല്ലാവരെയും പിടികൂടുമെന്നും അദ്ദേഹം ഭീഷണിപ്പെടുത്തി. എന്നാൽ സമാധാനപരമായ രീതിയിൽ പ്രതിഷേധിച്ച തങ്ങളെ സുരക്ഷാസേന വേട്ടയാടുകയാണെന്ന് പ്രതിപക്ഷം ആരോപിച്ചു. തിരഞ്ഞെടുപ്പിൽ വ്യാപകമായ ക്രമക്കേടുകൾ നടന്നുവെന്ന് ആരോപിച്ച് പ്രതിപക്ഷ നേതാവ് ബോബി വൈൻ ഫലം തള്ളിക്കളഞ്ഞിരുന്നു. നിലവിൽ ബോബി വൈൻ ഒളിവിൽ കഴിയുകയാണ്.
ഉഗാണ്ടയിലെ സ്ഥിതിഗതികളിൽ ഐക്യരാഷ്ട്രസഭ ആശങ്ക രേഖപ്പെടുത്തി. അറസ്റ്റിലായവരെ നിയമവിരുദ്ധമായ തടങ്കൽ കേന്ദ്രങ്ങളിൽ പാർപ്പിച്ചിരിക്കുകയാണെന്നും അവർ ക്രൂരമായ പീഡനങ്ങൾക്ക് ഇരയാകുന്നുണ്ടെന്നും മനുഷ്യാവകാശ പ്രവർത്തകർ ആരോപിച്ചു. കഴിഞ്ഞ നാല് പതിറ്റാണ്ടായി 81-കാരനായ മുസേവേനിയാണ് ഉഗാണ്ട ഭരിക്കുന്നത്. ഇന്റർനെറ്റ് വിച്ഛേദിച്ചുകൊണ്ടാണ് രാജ്യത്ത് തിരഞ്ഞെടുപ്പ് നടന്നത്. മുസേവേനി തന്റെ മകനെ പിൻഗാമിയായി വളർത്തുകയാണെന്നും ഇതിന്റെ ഭാഗമായാണ് പ്രതിപക്ഷത്തെ അടിച്ചമർത്തുന്നതെന്നും രാഷ്ട്രീയ നിരീക്ഷകർ വിലയിരുത്തുന്നു.
Uganda's military chief, Muhoozi Kainerugaba, confirmed that authorities have detained 2,000 opposition supporters and killed 30 others following the disputed presidential election. President Yoweri Museveni, 81, was declared the winner for a seventh term, a result rejected by opposition leader Bobi Wine due to alleged irregularities. While the military labels the detainees as "terrorists," the opposition claims they are victims of political persecution. The UN has expressed deep concern over the violence and the detention of political figures, as Bobi Wine remains in hiding following a raid on his residence.