മിനിയാപൊളിസ്: യുഎസ് പ്രസിഡന്റ് ഡൊണാൾഡ് ട്രംപിന്റെ കടുത്ത കുടിയേറ്റ വിരുദ്ധ നടപടികൾക്കെതിരെ മിനസോട്ട സംസ്ഥാനവും ഇരട്ട നഗരങ്ങളായ മിനിയാപൊളിസും സെന്റ് പോളും നിയമനടപടി ആരംഭിച്ചു (Minnesota Immigration Lawsuit). ഫെഡറൽ ഏജന്റുമാരുടെ നടപടിയെ 'ഫെഡറൽ അധിനിവേശം' എന്ന് വിശേഷിപ്പിച്ച മിനസോട്ട അറ്റോർണി ജനറൽ കീത്ത് എലിസൺ, ഈ നീക്കം ഭരണഘടനാ വിരുദ്ധമാണെന്ന് ആരോപിച്ചു.
ജനുവരി 7-ന് മിനിയാപൊളിസിൽ മൂന്ന് കുട്ടികളുടെ അമ്മയായ റെനി നിക്കോൾ ഗുഡ് (Renee Nicole Good) എന്ന യുവതിയെ ഇമിഗ്രേഷൻ ഏജന്റ് വെടിവെച്ചുകൊന്നതോടെയാണ് പ്രതിഷേധം ശക്തമായത്. ഈ സംഭവത്തിന് പിന്നാലെ ആയിരക്കണക്കിന് ആളുകൾ തെരുവിലിറങ്ങി. നിലവിൽ മിനസോട്ടയിൽ വിന്യസിച്ചിട്ടുള്ള 2,000 ഇമിഗ്രേഷൻ ഏജന്റുമാർക്ക് പുറമെ, 1,000 ബോർഡർ പട്രോൾ ഉദ്യോഗസ്ഥരെ കൂടി അയക്കാനുള്ള ട്രംപ് ഭരണകൂടത്തിന്റെ നീക്കത്തെ തടയണമെന്നാണ് കോടതിയിൽ സമർപ്പിച്ച ഹർജിയിലെ പ്രധാന ആവശ്യം.
വാറന്റില്ലാതെ അറസ്റ്റ് ചെയ്യുക, കോടതികളും പള്ളികളും സ്കൂളുകളും കേന്ദ്രീകരിച്ച് ഭീകരാന്തരീക്ഷം സൃഷ്ടിക്കുക, സൊമാലിയൻ വംശജരെ ലക്ഷ്യമിട്ട് വംശീയമായ പരിശോധനകൾ നടത്തുക തുടങ്ങിയ ഗുരുതരമായ ആരോപണങ്ങളാണ് ഫെഡറൽ ഏജന്റുമാർക്കെതിരെ ഉയരുന്നത്. മിനസോട്ടയിലെ സൊമാലിയൻ സമൂഹത്തെ തകർക്കാനാണ് ട്രംപ് ശ്രമിക്കുന്നതെന്ന് മിനിയാപൊളിസ് മേയർ ജേക്കബ് ഫ്രെ കുറ്റപ്പെടുത്തി. ഈ നടപടി മൂലം ബിസിനസ്സുകൾ അടച്ചുപൂട്ടേണ്ടി വരുന്നതായും കുട്ടികളെ സ്കൂളിൽ വിടാൻ മാതാപിതാക്കൾ ഭയപ്പെടുന്നതായും അദ്ദേഹം കൂട്ടിച്ചേർത്തു.
Minnesota and its Twin Cities have filed a lawsuit against the Trump administration to halt a massive immigration enforcement operation described as a "federal invasion." The legal challenge follows the fatal shooting of Renee Nicole Good, a 37-year-old mother, by an ICE agent, sparking nationwide protests. Local officials, led by Attorney General Keith Ellison and Mayor Jacob Frey, accuse federal agents of constitutional violations, racial profiling—specifically targeting the Somali community—and creating a climate of fear that has disrupted schools and businesses across the state.