വാഷിംഗ്ടൺ: ലൈംഗിക പീഡനക്കേസിലെ കുറ്റവാളി ജെഫ്രി എപ്സ്റ്റൈന്റെ വിരുന്നിൽ ടെക് ലോകത്തെ വമ്പന്മാരായ എലോൺ മസ്കും മാർക്ക് സക്കർബർഗും പങ്കെടുത്തതിന്റെ കൂടുതൽ തെളിവുകൾ പുറത്ത് (Mark Zuckerberg and Elon Musk at Epstein dinner). 2015-ൽ കാലിഫോർണിയയിലെ പാലോ ആൾട്ടോയിൽ നടന്ന ഒരു വിരുന്നിൽ ഇരുവരും എപ്സ്റ്റൈനോടൊപ്പം ഇരിക്കുന്ന ചിത്രമാണ് അമേരിക്കൻ നീതിന്യായ വകുപ്പ് (DOJ) പുറത്തുവിട്ട ഏറ്റവും പുതിയ രേഖകളിലുള്ളത്. ഈ വിരുന്നിനെ “വൈൽഡ്” എന്നാണ് എപ്സ്റ്റൈൻ തന്റെ ഇമെയിലുകളിൽ വിശേഷിപ്പിച്ചിരിക്കുന്നത്. ലിങ്ക്ഡ്ഇൻ സഹസ്ഥാപകൻ റീഡ് ഹോഫ്മാൻ, പേപാൽ സഹസ്ഥാപകൻ പീറ്റർ തീൽ തുടങ്ങിയ പ്രമുഖരും ഈ വിരുന്നിൽ പങ്കെടുത്തിരുന്നതായി റിപ്പോർട്ടുകൾ വ്യക്തമാക്കുന്നു.
2012-ൽ എലോൺ മസ്ക് എപ്സ്റ്റൈന് അയച്ച ഇമെയിലുകളും വിവാദത്തിന് ആക്കം കൂട്ടിയിട്ടുണ്ട്. “നിങ്ങളുടെ ദ്വീപിൽ എന്ന് രാത്രിയാണ് ഏറ്റവും വന്യമായ പാർട്ടി നടക്കുന്നത്?” എന്ന് മസ്ക് ചോദിച്ചതായി രേഖകൾ സൂചിപ്പിക്കുന്നു. എന്നാൽ താൻ എപ്സ്റ്റൈന്റെ ദ്വീപ് സന്ദർശിച്ചിട്ടില്ലെന്നും ഇമെയിലുകൾ തെറ്റായി വ്യാഖ്യാനിക്കപ്പെടുകയാണെന്നുമാണ് മസ്കിന്റെ വിശദീകരണം. ഈ ഫയലുകൾ പുറത്തുവിടണമെന്ന് ഏറ്റവും കൂടുതൽ വാദിച്ചത് താനാണെന്നും മസ്ക് അവകാശപ്പെട്ടു. അതേസമയം, ശാസ്ത്രജ്ഞരെ ആദരിക്കുന്ന വിരുന്നിനിടെ എപ്സ്റ്റൈനെ നേരിട്ട് കണ്ടിട്ടുണ്ടെന്നും എന്നാൽ പിന്നീട് ബന്ധപ്പെട്ടിട്ടില്ലെന്നും സക്കർബർഗിന്റെ വക്താവ് വ്യക്തമാക്കി.
Summary: Newly released photos from the Jeffrey Epstein files show Meta CEO Mark Zuckerberg and SpaceX CEO Elon Musk at a 2015 dinner described by Epstein as “wild.” While the tech titans have downplayed their ties, leaked emails also show Musk inquiring about “wild parties” on Epstein’s private island back in 2012, sparking intense global scrutiny.
