വാഷിംഗ്ടൺ: യുഎസ് സ്റ്റേറ്റ് സെക്രട്ടറി മാർക്കോ റൂബിയോ ഫെബ്രുവരി 28-ന് ഇസ്രായേൽ സന്ദർശിക്കും. ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവുമായി അദ്ദേഹം കൂടിക്കാഴ്ച നടത്തുമെന്ന് അന്താരാഷ്ട്ര മാധ്യമങ്ങൾ റിപ്പോർട്ട് ചെയ്തു.(Marco Rubio to meet Netanyahu in Israel on February 28)
സ്വിറ്റ്സർലൻഡിലെ ജനീവയിൽ അമേരിക്കയും ഇറാനും തമ്മിൽ നടക്കുന്ന ആണവ കരാർ ചർച്ചകളുടെ പശ്ചാത്തലത്തിലാണ് ഈ മിന്നൽ സന്ദർശനം. ജനീവയിൽ ഇറാനിയൻ പ്രതിനിധികളുമായി നടത്തുന്ന ചർച്ചകളുടെ പുരോഗതിയും അമേരിക്കയുടെ നിലപാടുകളും നെതന്യാഹുവിനെ നേരിട്ട് അറിയിക്കുക എന്നതാണ് റൂബിയോയുടെ പ്രാഥമിക ലക്ഷ്യം.
ഇറാനുമായുള്ള ഏതൊരു ആണവ കരാറും തങ്ങളുടെ സുരക്ഷയെ ബാധിക്കുമെന്ന നിലപാടിലാണ് ഇസ്രായേൽ. മേഖലയിലെ സ്ഥിതിഗതികൾ ചർച്ച ചെയ്യുന്നതിനൊപ്പം ലെബനൻ, ഗാസ വിഷയങ്ങളും കൂടിക്കാഴ്ചയിൽ ഉയർന്നുവന്നേക്കാം.
