മാഞ്ചസ്റ്റർ: ഒരു കബാബ് ഓർഡർ ചെയ്യാൻ കയറിയതായിരുന്നു, പക്ഷെ ചെന്നുപെട്ടത് ഒരു മണിക്കൂർ നീണ്ട തടവറയിൽ. മാഞ്ചസ്റ്ററിലെ ഡീൻസ്ഗേറ്റിലാണ് സിനിമാ സ്റ്റൈലിൽ ഒരു യുവാവ് റെഡ് ഫോൺ ബൂത്തിനുള്ളിൽ കുടുങ്ങിയത് (Manchester Phone Box Rescue). കബാബ് കഴിക്കാനുള്ള പൂതി മൂത്ത് ഫോൺ ബൂത്തിനുള്ളിൽ കയറിയ ഉടൻ തന്നെ വാതിൽ താനേ അടയുകയായിരുന്നു. ഫോൺ ബൂത്തിനുള്ളിൽ വർക്കിംഗ് കണ്ടീഷനിലുള്ള ഫോൺ ഇല്ലായിരുന്നു എന്നതാണ് തമാശ. വാതിൽ തനിയെ ലോക്കായതോടെ പുറത്തിറങ്ങാൻ യുവാവ് കിണഞ്ഞു ശ്രമിച്ചെങ്കിലും നടന്നില്ല. കൂടെയുണ്ടായിരുന്ന സുഹൃത്തുക്കൾ ഒരു മണിക്കൂറോളം വാതിൽ തുറക്കാൻ നോക്കിയെങ്കിലും പരാജയപ്പെട്ടു. ഒടുവിൽ നാട്ടുകാർ വീഡിയോ പകർത്തി ചിരിച്ചുല്ലസിക്കുന്നതിനിടയിൽ ഫയർ ഫോഴ്സ് എത്തിയാണ് വാതിൽ തകർത്ത് കബാബ് പ്രേമിയെ മോചിപ്പിച്ചത്.
സംഭവം സോഷ്യൽ മീഡിയയിൽ വൈറലായതോടെ രസകരമായ കമന്റുകളാണ് വരുന്നത്. “കബാബ് ഓർഡർ ചെയ്യുന്നതിന് മുൻപ് ഇദ്ദേഹം കുറച്ച് ‘കബം’ (മദ്യം) അകത്താക്കിയിട്ടുണ്ടാകും” എന്നാണ് ഒരാളുടെ പരിഹാസം. “എല്ലാം ശരി, പക്ഷെ പുള്ളിക്ക് അവസാനം കബാബ് കിട്ടിയോ?” എന്നാണ് മറ്റൊരാൾക്ക് അറിയേണ്ടത്. എന്തായാലും കബാബ് കിട്ടിയോ ഇല്ലയോ എന്നറിയില്ലെങ്കിലും ഈ കുടുങ്ങൽ മാഞ്ചസ്റ്ററിൽ വലിയ ചർച്ചയായിട്ടുണ്ട്.
