വാഷിംഗ്ടൺ ഡിസി: ടെക്സസിലെ തടങ്കൽ കേന്ദ്രത്തിൽ അഞ്ച് വയസ്സുകാരനെ പാർപ്പിച്ച സംഭവത്തിൽ അമേരിക്കൻ ഇമിഗ്രേഷൻ ആൻഡ് കസ്റ്റംസ് എൻഫോഴ്സ്മെന്റിനെതിരെ (ICE) രൂക്ഷവിമർശനവുമായി മുൻ യുഎസ് വൈസ് പ്രസിഡന്റ് കമലാ ഹാരിസ് (Kamala Harris). കുട്ടി തന്റെ കുടുംബത്തോടൊപ്പം വീട്ടിലിരിക്കേണ്ടവനാണെന്നും അവനെ ചാരനായി ഉപയോഗിച്ച് ടെക്സസിലെ തടങ്കൽ കേന്ദ്രത്തിൽ പാർപ്പിക്കരുതെന്നും അവർ എക്സിൽ കുറിച്ചു. താൻ ഈ സംഭവത്തിൽ അതീവ രോഷാകുലയാണെന്നും എല്ലാ അമേരിക്കക്കാരും ഇതിൽ പ്രതിഷേധിക്കണമെന്നും അവർ ആവശ്യപ്പെട്ടു.
അതേസമയം, കമലാ ഹാരിസിന്റെ ആരോപണങ്ങൾ തള്ളിക്കളഞ്ഞുകൊണ്ട് ഡിപ്പാർട്ട്മെന്റ് ഓഫ് ഹോംലാൻഡ് സെക്യൂരിറ്റി അസിസ്റ്റന്റ് സെക്രട്ടറി ട്രിസിയ മക്ലാഫ്ലിൻ രംഗത്തെത്തി. കുട്ടിയെ ചാരനായി ഉപയോഗിച്ചിട്ടില്ലെന്നും കുട്ടിയുടെ പിതാവിനെ അറസ്റ്റ് ചെയ്യാനാണ് ജനുവരി 20-ന് ഐസിഇ സംഘം എത്തിയതെന്നും അവർ വിശദീകരിച്ചു. വീട്ടിലുണ്ടായിരുന്ന കുട്ടിയുടെ മാതാവിനോട് കുട്ടിയെ ഏറ്റെടുക്കാൻ പലതവണ ആവശ്യപ്പെട്ടെങ്കിലും അവർ തയ്യാറായില്ലെന്നും ഇതേത്തുടർന്നാണ് കുട്ടിയെ പിതാവിനോടൊപ്പം കൊണ്ടുപോകേണ്ടി വന്നതെന്നും മക്ലാഫ്ലിൻ പറഞ്ഞു. കുട്ടിയുടെ സുരക്ഷയ്ക്കും ക്ഷേമത്തിനുമാണ് മുൻഗണന നൽകിയതെന്നും പിതാവും മകനും ഇപ്പോൾ ഡിള്ളിയിലെ കേന്ദ്രത്തിൽ ഒരുമിച്ചാണെന്നും അവർ കൂട്ടിച്ചേർത്തു.
ഇക്വഡോറിൽ നിന്നുള്ള ഈ കുടുംബം 2024 ഡിസംബറിലാണ് അഭയം തേടി നിയമപരമായി അതിർത്തിയിൽ എത്തിയതെന്ന് കുടുംബത്തിന്റെ അഭിഭാഷകൻ പറഞ്ഞു. അവർ നിയമവിരുദ്ധമായി കുടിയേറിയവരല്ലെന്നും നിയമപരമായ മാർഗങ്ങളിലൂടെയാണ് അമേരിക്കയിൽ എത്തിയതെന്നും അദ്ദേഹം മാധ്യമങ്ങളോട് വ്യക്തമാക്കി. എന്നാൽ മാതാപിതാക്കൾക്ക് വേണമെങ്കിൽ സ്വമേധയാ രാജ്യം വിടാമെന്നും അതിനായി സിബിപി ഹോം ആപ്പ് വഴി സൗജന്യ വിമാനയാത്രയും സാമ്പത്തിക സഹായവും ലഭ്യമാണെന്നുമാണ് അധികൃതരുടെ നിലപാട്.
Former US Vice President Kamala Harris expressed "outrage" over the detention of a five-year-old Ecuadorian child by US Immigration and Customs Enforcement (ICE) in Texas. While Harris accused authorities of using the child as "bait," the Department of Homeland Security refuted the claim, stating that the child’s mother refused custody during the father's arrest, forcing officers to keep the child with his father. The family’s lawyer maintains that they entered the US legally in December 2024 to apply for asylum and are not "illegal aliens." The incident has sparked a heated debate over immigration enforcement tactics under the current administration.