കാബൂൾ: കാബൂളിലെ അതീവ സുരക്ഷാ മേഖലയായ ഷഹർ-ഇ-നൗവിൽ (Shahr-e-Naw) തിങ്കളാഴ്ച ഉച്ചകഴിഞ്ഞുണ്ടായ സ്ഫോടനത്തിൽ ചൈനീസ് പൗരനടക്കം ഏഴ് പേർ കൊല്ലപ്പെട്ടു (Kabul Restaurant Blast). ചൈനീസ് മുസ്ലിം വംശജർ നടത്തിയിരുന്ന 'ചൈനീസ് നൂഡിൽ' എന്ന റെസ്റ്റോറന്റിലായിരുന്നു ചാവേർ സ്ഫോടനം നടന്നത്. കൊല്ലപ്പെട്ടവരിൽ ആറ് പേർ അഫ്ഗാൻ പൗരന്മാരാണ്. പരിക്കേറ്റ സ്ത്രീകളും കുട്ടികളും ഉൾപ്പെടെയുള്ള ഇരുപതോളം പേരെ ആശുപത്രിയിൽ പ്രവേശിച്ചു.
ഭീകര സംഘടനയായ ഇസ്ലാമിക് സ്റ്റേറ്റ് ആക്രമണത്തിന്റെ ഉത്തരവാദിത്തം ഏറ്റെടുത്തു. ചൈനയിലെ ഉയ്ഗൂർ മുസ്ലിങ്ങൾക്കെതിരെ സർക്കാർ നടത്തുന്ന നടപടികൾക്ക് പ്രതികാരമായാണ് തങ്ങൾ ചൈനീസ് പൗരന്മാരെ ലക്ഷ്യം വെച്ചതെന്ന് ഐസിസ് വ്യക്തമാക്കി. റെസ്റ്റോറന്റിന്റെ അടുക്കളയ്ക്ക് സമീപം ചാവേർ സ്വയം പൊട്ടിത്തെറിക്കുകയായിരുന്നുവെന്ന് സുരക്ഷാ ഉദ്യോഗസ്ഥർ സ്ഥിരീകരിച്ചു.
താലിബാൻ ഭരണത്തിന് കീഴിൽ കാബൂളിലെ സ്ഫോടനങ്ങൾ കുറഞ്ഞിരുന്നെങ്കിലും, വിദേശ പൗരന്മാരെയും നയതന്ത്രജ്ഞരെയും ലക്ഷ്യമിട്ടുള്ള ഐസിസ് ആക്രമണങ്ങൾ വർദ്ധിക്കുന്നത് വലിയ സുരക്ഷാ ആശങ്കയ്ക്ക് കാരണമാകുന്നുണ്ട്. നേരത്തെയും ഇത്തരത്തിൽ ചൈനീസ് പൗരന്മാരെ ലക്ഷ്യമിട്ട് അഫ്ഗാനിസ്ഥാനിൽ ആക്രമണങ്ങൾ നടന്നിരുന്നു. സംഭവത്തെക്കുറിച്ച് കൂടുതൽ അന്വേഷണം നടന്നുവരികയാണെന്ന് പോലീസ് അറിയിച്ചു.
A suicide bombing at a Chinese-run restaurant in Kabul's Shahr-e-Naw district on Monday killed seven people, including one Chinese national and six Afghans. The Islamic State (ISIS) claimed responsibility for the attack, stating that it targeted Chinese citizens in retaliation for Beijing's treatment of Uyghur Muslims. The blast, which occurred near the restaurant's kitchen, injured at least 20 others and raised fresh concerns about the safety of foreigners under Taliban rule.