ഇസ്ലാമാബാദ്: സാമ്പത്തിക പ്രതിസന്ധിയിൽ ഉഴലുന്ന പാകിസ്ഥാൻ, സൗദി അറേബ്യയിൽ നിന്ന് വാങ്ങിയ 200 കോടി ഡോളറിന്റെ വായ്പയ്ക്ക് പകരമായി തദ്ദേശീയമായി നിർമ്മിച്ച ജെഎഫ്-17 (JF-17) യുദ്ധവിമാനങ്ങൾ നൽകാൻ ചർച്ചകൾ ആരംഭിച്ചു (JF-17 Thunder deal). കഴിഞ്ഞ വർഷം സെപ്റ്റംബറിൽ ഇരുരാജ്യങ്ങളും ഒപ്പുവെച്ച പ്രതിരോധ കരാറിന്റെ തുടർച്ചയായാണ് ഈ നീക്കം. ചൈനയുമായി ചേർന്ന് പാകിസ്ഥാൻ നിർമ്മിക്കുന്ന ഈ ലഘു യുദ്ധവിമാനങ്ങൾ സൗദിയുടെ പ്രതിരോധ മേഖലയ്ക്ക് കരുത്തുപകരുമെന്നാണ് വിലയിരുത്തൽ.
ഏകദേശം 400 കോടി ഡോളർ മൂല്യം വരുന്നതാണ് ഈ ഇടപാടെന്നാണ് സൂചന. 200 കോടി ഡോളർ വായ്പ ഇനത്തിൽ കുറയ്ക്കുകയും ബാക്കി തുക മറ്റ് സൈനിക ഉപകരണങ്ങൾക്കായി ഉപയോഗിക്കുകയും ചെയ്യും. ഇസ്രായേൽ കഴിഞ്ഞ മാസം ഖത്തറിലെ ദോഹയിൽ നടത്തിയ ആക്രമണത്തിന് പിന്നാലെ ഗൾഫ് മേഖലയിലുണ്ടായ സുരക്ഷാ ആശങ്കകളാണ് സൗദിയെ ഇത്തരം ഒരു നീക്കത്തിന് പ്രേരിപ്പിച്ചത്. കൂടാതെ അമേരിക്കയുമായുള്ള പ്രതിരോധ ബന്ധത്തിലെ അനിശ്ചിതത്വം കണക്കിലെടുത്ത് മറ്റ് സഖ്യകക്ഷികളെ കണ്ടെത്താനും സൗദി ശ്രമിക്കുന്നു.
ലിബിയ ഉൾപ്പെടെയുള്ള രാജ്യങ്ങളുമായും പാകിസ്ഥാൻ സമാനമായ ആയുധ ഇടപാടുകൾ നടത്തിയിട്ടുണ്ട്. തങ്ങളുടെ ആയുധ വ്യവസായം ലാഭത്തിലായാൽ അടുത്ത ആറ് മാസത്തിനുള്ളിൽ അന്താരാഷ്ട്ര നാണയ നിധിയിൽ നിന്നുള്ള വായ്പകൾ ഒഴിവാക്കാൻ പാകിസ്ഥാന് സാധിക്കുമെന്ന് പ്രതിരോധ മന്ത്രി ഖ്വാജ ആസിഫ് അവകാശപ്പെട്ടു. നിലവിൽ 150-ലധികം ജെഎഫ്-17 വിമാനങ്ങൾ പാകിസ്ഥാൻ വ്യോമസേനയുടെ ഭാഗമാണ്.
Pakistan and Saudi Arabia are in advanced talks to convert $2 billion of existing Saudi loans into a procurement deal for JF-17 Thunder fighter jets. This multi-billion dollar agreement follows the landmark mutual defense pact signed in September 2025 and reflects Riyadh's strategy to diversify its military assets amid regional instability. For cash-strapped Pakistan, the deal offers a crucial path to debt relief and a boost to its domestic defense industry, potentially reducing its long-term reliance on IMF bailouts.