ടോക്കിയോ: 2026 പുതുവർഷപ്പിറവിയിൽ ലോകത്തെ ഞെട്ടിച്ച് ജപ്പാനിലെ പരമ്പരാഗത മത്സ്യലേലം (Japan Tuna Auction). ടോക്കിയോയിലെ പ്രശസ്തമായ ടൊയോസു മാർക്കറ്റിൽ നടന്ന ഈ വർഷത്തെ ആദ്യ ലേലത്തിൽ ഒരു ബ്ലൂഫിൻ ട്യൂണ വിറ്റുപോയത് റെക്കോർഡ് തുകയ്ക്കാണ്. 510 മില്യൺ യെൻ അഥവാ ഇന്ത്യൻ രൂപ ഏകദേശം 32 കോടി രൂപയ്ക്കാണ് ഈ ഭീമൻ മത്സ്യം ലേലത്തിൽ പോയത്.
ഏകദേശം 243 കിലോ തൂക്കമുള്ള ഈ മത്സ്യത്തെ 'സുമോ ഫിഷ്' എന്നാണ് ലേലത്തിൽ പങ്കെടുത്തവർ വിശേഷിപ്പിച്ചത്. നാലുപേർ ചേർന്ന് പിടിച്ചാൽ മാത്രം പൊങ്ങുന്ന അത്രയും ഭാരമേറിയതായിരുന്നു ഈ ട്യൂണ. ജപ്പാനിലെ പ്രശസ്തമായ സുഷി റെസ്റ്റോറന്റ് ശൃംഖലയായ സുഷിസൻമായിയുടെ ഉടമ കിയോഷി കിമുറയാണ് ഈ കൂറ്റൻ മത്സ്യത്തെ സ്വന്തമാക്കിയത്. ലാഭത്തേക്കാൾ ഉപരിയായി രാജ്യത്തിന്റെ സാമ്പത്തിക ഉണർവിനും ഉപഭോക്താക്കൾക്ക് സന്തോഷം പകരാനുമാണ് ഇത്രയും വലിയ തുകയ്ക്ക് ലേലം പിടിച്ചതെന്ന് 'ട്യൂണ കിംഗ്' എന്നറിയപ്പെടുന്ന കിമുറ പറഞ്ഞു. 2019-ൽ അദ്ദേഹം തന്നെ സ്ഥാപിച്ച 333.6 മില്യൺ യെന്നിന്റെ റെക്കോർഡാണ് ഇത്തവണ തകർന്നത്.
In a record-breaking start to 2026, a massive bluefin tuna weighing 243 kg was sold for a staggering 510 million yen (approximately ₹32 crore) at Japan's famous Toyosu fish market. The fish was purchased by Kiyoshi Kimura, the owner of the Sushizanmai restaurant chain, surpassing his previous 2019 record. Despite the high cost, the restaurant plans to serve the fish at regular menu prices to share the New Year's joy with its customers.