ടോക്കിയോ: ജപ്പാനിലെ ആദ്യ വനിതാ പ്രധാനമന്ത്രിയായ സനേ തകായ്ചി അടുത്ത മാസം രാജ്യത്ത് നേരത്തെ പൊതുതെരഞ്ഞെടുപ്പ് വിളിച്ചുചേർത്തേക്കുമെന്ന് റിപ്പോർട്ട് (Japan Early Election). സഖ്യകക്ഷി നേതാവായ ഹിരോഫുമി യോഷിമുറയാണ് ഞായറാഴ്ച ഇക്കാര്യം സൂചിപ്പിച്ചത്. ഫെബ്രുവരി 8 അല്ലെങ്കിൽ 15 തീയതികളിൽ തെരഞ്ഞെടുപ്പ് നടന്നേക്കുമെന്ന് ജപ്പാനിലെ പ്രമുഖ പത്രമായ 'യോമിയുരി' റിപ്പോർട്ട് ചെയ്തിരുന്നു.
കഴിഞ്ഞ ഒക്ടോബറിൽ അധികാരമേറ്റ തകായ്ചിക്ക് നിലവിൽ ജനങ്ങൾക്കിടയിൽ വലിയ പിന്തുണയുണ്ട്. ഈ അനുകൂല സാഹചര്യം മുതലെടുത്ത് സഭയിൽ ഭൂരിപക്ഷം വർദ്ധിപ്പിക്കാനാണ് അവരുടെ നീക്കം. ഫെബ്രുവരിയിൽ തെരഞ്ഞെടുപ്പ് നടത്തുന്നത് മാർച്ച് അവസാനത്തോടെ പാസാക്കേണ്ട വാർഷിക ബജറ്റിനെ ബാധിക്കുമെന്ന് പ്രതിപക്ഷം ആരോപിക്കുന്നു. 78,300 കോടി ഡോളറിന്റെ വമ്പൻ ബജറ്റാണ് തകായ്ചി സർക്കാർ അവതരിപ്പിക്കാനിരിക്കുന്നത്.
ചൈനയ്ക്കെതിരെ തകായ്ചി സ്വീകരിക്കുന്ന കടുത്ത നിലപാടുകൾ ജപ്പാനിലെ വലതുപക്ഷ വോട്ടർമാരെ ആകർഷിക്കുന്നുണ്ടെങ്കിലും ഇത് അയൽരാജ്യവുമായുള്ള നയതന്ത്ര ബന്ധത്തെ മോശമായി ബാധിച്ചിട്ടുണ്ട്. തായ്വാൻ വിഷയത്തിൽ തകായ്ചി നടത്തിയ പരാമർശങ്ങളെത്തുടർന്ന് ചൈന ജപ്പാനിലേക്കുള്ള വിനോദസഞ്ചാരത്തിന് നിയന്ത്രണം ഏർപ്പെടുത്തുകയും ചില കയറ്റുമതികൾ നിരോധിക്കുകയും ചെയ്തിരുന്നു.
തെരഞ്ഞെടുപ്പ് ബജറ്റ് നടപടികളെ തടസ്സപ്പെടുത്തുമെന്നും രാജ്യത്തെ പണപ്പെരുപ്പം നേരിടുന്നതിന് മുൻഗണന നൽകുന്നതിന് പകരം അധികാരം ഉറപ്പിക്കാനാണ് പ്രധാനമന്ത്രി ശ്രമിക്കുന്നതെന്നും പ്രതിപക്ഷ പാർട്ടിയായ കൊമേറ്റോ കുറ്റപ്പെടുത്തി. ജപ്പാനിലെ തെരഞ്ഞെടുപ്പ് കമ്മീഷനോട് തയ്യാറെടുപ്പുകൾ തുടങ്ങാൻ സർക്കാർ നിർദ്ദേശം നൽകിയതായും സൂചനയുണ്ട്.
Japanese Prime Minister Sanae Takaichi is considering calling a snap general election in February to capitalize on her high approval ratings since taking office in October. While a victory would strengthen her mandate, opposition leaders warn that an early vote could derail the passage of the national budget and worsen economic stability. The move comes amid heightened diplomatic tensions with China over Takaichi's firm stance on Taiwan and increased military spending.