നബ്ലസ്: അധിനിവിഷ്ട വെസ്റ്റ് ബാങ്കിൽ സൈന്യത്തിന് നേരെ കല്ലെറിഞ്ഞുവെന്ന് ആരോപിച്ച് ഇസ്രായേൽ സേന നടത്തിയ വെടിവെപ്പിൽ പലസ്തീൻ യുവാവ് കൊല്ലപ്പെട്ടു. ഖത്താബ് അൽ സർഹാൻ (26) എന്ന യുവാവാണ് കൊല്ലപ്പെട്ടതെന്ന് പലസ്തീൻ അതോറിറ്റി സ്ഥിരീകരിച്ചു. നബ്ലസിന് സമീപമുള്ള ലുബാൻ അൽ-ഷർഖിയ ഗ്രാമത്തിൽ വ്യാഴാഴ്ച പുലർച്ചെയാണ് സംഭവം നടന്നത്. (Israeli military strike)
തങ്ങളുടെ സൈനികർക്ക് നേരെ പതിയിരുന്ന് ആക്രമണം നടത്തിയവർക്ക് നേരെയാണ് വെടിവെച്ചതെന്നാണ് ഇസ്രായേൽ സൈന്യത്തിന്റെ വിശദീകരണം. സംഭവത്തിൽ മറ്റ് രണ്ട് പേർക്ക് കൂടി പരിക്കേറ്റിട്ടുണ്ട്. ബുധനാഴ്ച മുതൽ ഗ്രാമത്തിലേക്കുള്ള പ്രധാന വഴികളും അനുബന്ധ റോഡുകളും ഇസ്രായേൽ സൈന്യം അടച്ചിരുന്നതായി പലസ്തീൻ വാർത്താ ഏജൻസിയായ വഫ (WAFA) റിപ്പോർട്ട് ചെയ്തു.
യുഎൻ കണക്കുകൾ പ്രകാരം 2023 ഒക്ടോബർ മുതൽ 2025 ഒക്ടോബർ വരെയുള്ള കാലയളവിൽ വെസ്റ്റ് ബാങ്കിൽ മാത്രം ആയിരത്തിലധികം പലസ്തീനികൾ കൊല്ലപ്പെട്ടിട്ടുണ്ട്. ഇസ്രായേൽ സുരക്ഷാ സേനയുടെ നടപടികളിലും കുടിയേറ്റക്കാരുടെ അതിക്രമങ്ങളിലുമാണ് ഇത്രയധികം പേർക്ക് ജീവൻ നഷ്ടമായത്. ഇതേ കാലയളവിൽ പലസ്തീൻ ഭാഗത്തുനിന്നുണ്ടായ ആക്രമണങ്ങളിൽ 57 ഇസ്രായേലികളും കൊല്ലപ്പെട്ടിട്ടുണ്ട്.
Israeli forces killed a 26-year-old Palestinian man, identified as Khattab Al Sarhan, in the occupied West Bank early Thursday. The military claimed they opened fire in response to an ambush involving stone-throwing near the village of Luban al-Sharqiya in Nablus. According to UN data, over a thousand Palestinians have been killed in the West Bank since October 2023, highlighting the escalating violence in the region.