ജറൂസലം: ഓസ്കർ പുരസ്കാരം നേടിയ ഡോക്യുമെന്ററി ചിത്രം ‘നോ അതർ ലാൻഡി’ന്റെ സഹസംവിധായകരിലൊരാളായ ഫലസ്തീനിയൻ പൗരൻ ഹംദാൻ ബല്ലാലിനുനേർക്ക് ഇസ്രായേൽ കുടിയേറ്റക്കാരുടെ ആക്രമണം. സുസിയ ഗ്രാമത്തിലാണ് ബല്ലാൽ ഉൾപ്പെടെ മൂന്നു ഫലസ്തീനികളെ സൈന്യം പിടികൂടിയതെന്ന് ഇവരുടെ അറ്റോണി ലിയ ടിസെമെൽ പറഞ്ഞു. വെസ്റ്റ് ബാങ്കിലാണ് സംഭവം നടന്നത്. ബല്ലാലിനെ പിന്നീട് ഇസ്രായേൽ സൈന്യം കൊണ്ടുപോവുകയും ചെയ്തു.
ഇവരെ ചികിത്സക്കായി സൈനിക കേന്ദ്രത്തിലെത്തിച്ചെന്നാണ് പൊലീസ് പറയുന്നത്. എന്നാൽ, ഇവരെ ബന്ധപ്പെടാനാകുന്നില്ലെന്നും യാതൊരു വിവരവുമില്ലെന്നും അറ്റോണി പറഞ്ഞു.