ലെബനൻ: ദക്ഷിണ ലെബനനിലെ പലസ്തീൻ അഭയാർത്ഥി ക്യാമ്പിന് (Palestinian refugee camp) നേരെയുണ്ടായ ഇസ്രായേൽ വ്യോമാക്രമണത്തിൽ 13 പേർ കൊല്ലപ്പെടുകയും നിരവധി പേർക്ക് പരിക്കേൽക്കുകയും ചെയ്തു. കഴിഞ്ഞ വർഷം നവംബറിൽ വെടിനിർത്തൽ നിലവിൽ വന്നതിന് ശേഷം ലെബനനിൽ ഇസ്രായേൽ നടത്തുന്ന ഏറ്റവും മാരകമായ ആക്രമണമാണിത്.
സിഡോണിന് സമീപമുള്ള അഭയാർത്ഥി ക്യാമ്പിലാണ് വ്യോമാക്രമണം നടന്നത്. കുട്ടികൾ ഫുട്ബോൾ കളിക്കാറുള്ള മൈതാനമായിരുന്നു ഇസ്രായേലിന്റെ ലക്ഷ്യം എന്ന് ക്യാമ്പിൽ ഉണ്ടായിരുന്നവർ പറയുന്നു. ക്യാമ്പ് ഹമാസിൻ്റെ പരിശീലന കേന്ദ്രമാണെന്നാണ് ഇസ്രായേലി സൈന്യത്തിൻ്റെ വാദം. എന്നാൽ ഹമാസ് ഈ വാദം നിഷേധിച്ചിട്ടുണ്ട്.
ആയിരക്കണക്കിന് ആളുകൾ താമസിക്കുന്ന, പലസ്തീൻ വിഭാഗങ്ങളുടെ നിയന്ത്രണത്തിലുള്ള, തിരക്കേറിയ ഒരു ക്യാമ്പാണിത്. വെടിനിർത്തൽ ലംഘനങ്ങളുടെ കുത്തനെയുള്ള വർദ്ധനവായിട്ടാണ് ഈ ആക്രമണത്തെ കാണുന്നത്. അധിനിവേശ വെസ്റ്റ് ബാങ്കിൽ ഇസ്രായേൽ സൈന്യം ഒരു കുട്ടിയെയും ഒരു അൽ ജസീറ പത്രപ്രവർത്തകനെയും വെടിവെച്ച് പരിക്കേൽപ്പിച്ചു. നിലവിലുള്ള വെടിനിർത്തലിനിടയിലും ഇസ്രായേലി യുദ്ധവിമാനങ്ങൾ കിഴക്കൻ ഗാസ സിറ്റിയിലെ ഒരു പ്രദേശത്ത് ബോംബിട്ടിരുന്നു.
An Israeli air strike on a Palestinian refugee camp near Sidon in southern Lebanon killed at least 13 people, marking the deadliest attack in the country since the ceasefire came into force last November. While Hamas denied the Israeli claim that the target was a training compound, residents reported that a sports field, a common gathering spot, was hit.