തെഹ്റാൻ: വെനസ്വേലൻ പ്രസിഡന്റ് നിക്കോളാസ് മഡൂറോയെ അമേരിക്ക തട്ടിക്കൊണ്ടുപോയ നടപടിക്ക് പിന്നാലെ ഇറാൻ ഭരണകൂടത്തിനുള്ളിൽ കനത്ത ആശങ്ക പടരുന്നു. ഇറാനിൽ ആഴ്ചകളായി തുടരുന്ന സർക്കാർ വിരുദ്ധ പ്രക്ഷോഭങ്ങളെ (Iran Protests) അടിച്ചമർത്താൻ ഭരണകൂടം ശ്രമിക്കുന്നതിനിടെ, പ്രക്ഷോഭകർക്ക് പിന്തുണയുമായി ഡൊണാൾഡ് ട്രംപ് രംഗത്തെത്തിയത് തെഹ്റാനെ കൂടുതൽ പ്രതിരോധത്തിലാക്കി.
പ്രക്ഷോഭകാരികളെ വധിച്ചാൽ അമേരിക്ക നോക്കിനിൽക്കില്ലെന്നും കനത്ത തിരിച്ചടി നൽകുമെന്നും ട്രംപ് മുന്നറിയിപ്പ് നൽകിയിട്ടുണ്ട്. മഡൂറോയെ പിടികൂടിയതുപോലെ തങ്ങൾക്കെതിരെയും അമേരിക്കൻ സൈനിക നീക്കം ഉണ്ടായേക്കാമെന്ന് ഇറാൻ ഉദ്യോഗസ്ഥർ ഭയപ്പെടുന്നതായി റിപ്പോർട്ടുകൾ സൂചിപ്പിക്കുന്നു. കഴിഞ്ഞ വർഷം ജൂണിൽ ഇസ്രായേലും അമേരിക്കയും നടത്തിയ 12 ദിവസത്തെ യുദ്ധത്തിൽ ഇറാന്റെ ആണവ കേന്ദ്രങ്ങൾ തകർക്കപ്പെട്ടത് രാജ്യത്തിന്റെ സാമ്പത്തിക നിലയെ തകർത്തിരുന്നു. ഇതിനുപിന്നാലെ പണപ്പെരുപ്പവും കറൻസി മൂല്യത്തകർച്ചയും രൂക്ഷമായതോടെയാണ് ജനങ്ങൾ വീണ്ടും തെരുവിലിറങ്ങിയത്.
അതേസമയം, പ്രക്ഷോഭത്തിനിടെ ഇതുവരെ 35-ഓളം പേർ കൊല്ലപ്പെട്ടതായാണ് മനുഷ്യാവകാശ സംഘടനകൾ നൽകുന്ന കണക്ക്. രാജ്യത്തിന്റെ പരമാധികാരത്തിന് മേലുള്ള കടന്നുകയറ്റമാണ് അമേരിക്കയുടേതെന്ന് ഇറാൻ കുറ്റപ്പെടുത്തി.
The Iranian leadership is facing heightened anxiety following the U.S. capture of Venezuelan President Nicolas Maduro, fearing they could be the next target of Donald Trump's aggressive foreign policy. Amidst a deepening economic crisis and ongoing nationwide protests that have claimed at least 35 lives, Trump has warned Tehran of severe military consequences if it violently suppresses demonstrators. The convergence of internal unrest and external military pressure has left the Islamic Republic in one of its most vulnerable positions in recent history.