യുഎസ്: അമേരിക്കയിലെ അനധികൃത അഭയാര്‍ത്ഥികള്‍ക്കെതിരെ കര്‍ശന നടപടി സ്വീകരിച്ചതിന് ശേഷം, പ്രസിഡന്റ് ഡൊണാള്‍ഡ് ട്രംപ് ഇപ്പോള്‍ യൂറോപ്പിലേക്കും. കുടിയേറ്റം നിര്‍ത്താന്‍ അദ്ദേഹം യൂറോപ്യന്‍ രാജ്യങ്ങളോട് ഉപദേശിച്ചു. സ്‌കോട്ട്‌ലന്‍ഡിലെ വ്യോമസേനാ സ്റ്റേഷനില്‍ മാധ്യമങ്ങളോട് സംസാരിക്കവെ, ഈ 'ഭയാനകമായ ആക്രമണം' അവസാനിപ്പിക്കേണ്ടത് അടിയന്തിര ആവശ്യമാണെന്ന് ട്രംപ് യൂറോപ്യന്‍ രാജ്യങ്ങള്‍ക്ക് മുന്നറിയിപ്പ് നല്‍കി.
"കുടിയേറ്റത്തിനെതിരെ നിങ്ങള്‍ എല്ലാവരും ഒരുമിച്ച് നടപടിയെടുക്കണം. അല്ലെങ്കില്‍, യൂറോപ്പ് നശിപ്പിക്കപ്പെടും. പല രാജ്യങ്ങളില്‍ നിന്നുള്ള ആളുകള്‍ യൂറോപ്പില്‍ വന്ന് സ്ഥിരതാമസമാക്കുന്നുണ്ട്. ഈ 'ഭീകരമായ അധിനിവേശം' നിങ്ങള്‍ അവസാനിപ്പിക്കണം. ചില ആളുകള്‍ക്ക് കുടിയേറ്റം നിര്‍ത്താന്‍ താല്‍പ്പര്യമില്ല. എനിക്ക് വേണമെങ്കില്‍ ഇപ്പോള്‍ തന്നെ അവരുടെ പേരുകള്‍ പറയാം. പക്ഷേ ആരെയും വിഷമിപ്പിക്കാന്‍ ഞാന്‍ ആഗ്രഹിക്കുന്നില്ല. വര്‍ദ്ധിച്ചുവരുന്ന കുടിയേറ്റം യൂറോപ്പിനെ നശിപ്പിക്കുകയാണ്." - ട്രംപ് പറഞ്ഞു.