ഹോങ്കോങ്: ചൈന-ജാപ്പാൻ നയതന്ത്ര തർക്കത്തിൽ ചൈനയുടെ നയതന്ത്ര നിലപാടുകളെ തൻ്റെ സർക്കാർ പിന്തുണയ്ക്കുന്നുവെന്ന് ഹോങ്കോങ് ( Hong Kong) ചീഫ് എക്സിക്യൂട്ടീവ് ജോൺ ലീ തിങ്കളാഴ്ച അറിയിച്ചു. ഹോങ്കോങ് സ്ഥിതിഗതികൾ സൂക്ഷ്മമായി നിരീക്ഷിക്കുകയും ഉചിതമായി പ്രതികരിക്കുകയും ചെയ്യുമെന്നും അദ്ദേഹം വ്യക്തമാക്കി.
ജാപ്പാൻ പ്രധാനമന്ത്രി സനേ തകൈച്ചിയുടെ തായ്‌വാനുമായി ബന്ധപ്പെട്ട പരാമർശങ്ങളെ തുടർന്ന് രണ്ടാഴ്ചയിലേറെയായി ഇരു രാജ്യങ്ങളും തമ്മിലുള്ള ബന്ധം വഷളായിരിക്കുകയാണ്. ഒരു സാങ്കൽപ്പിക ചൈനീസ് ആക്രമണം ഉണ്ടായാൽ ജപ്പാൻ സൈനികമായി പ്രതികരിച്ചേക്കാം എന്നായിരുന്നു തകൈച്ചിയുടെ പ്രസ്താവന.
"ഈ തെറ്റായ പരാമർശങ്ങൾ ചൈനയും ജപ്പാനും തമ്മിലുള്ള വിനിമയത്തിനുള്ള അന്തരീക്ഷത്തെ ഗുരുതരമായി വഷളാക്കി. പല വിനിമയങ്ങളുടെയും ഫലപ്രാപ്തിയെക്കുറിച്ച് ഇത് ഞങ്ങളെ സംശയിപ്പിക്കുന്നു," ജോൺ ലീ പറഞ്ഞു. ഹോങ്കോങ് ജപ്പാൻ കോൺസുലേറ്റുമായുള്ള വിനിമയം നിർത്തിവെച്ചതായി റിപ്പോർട്ടുകളുണ്ടായിരുന്നുവെങ്കിലും, ഇക്കാര്യത്തിൽ നേരിട്ട് പ്രതികരിക്കാൻ ലീ തയ്യാറായില്ല. എന്നാൽ, "ഞങ്ങളുടെ ക്രമീകരണങ്ങൾ രാജ്യത്തിൻ്റെ അന്തസ്സിനും ഹോങ്കോങ്ങുകാരുടെ താൽപ്പര്യങ്ങൾക്കും അനുസൃതമായിരിക്കണം" എന്ന് അദ്ദേഹം പറഞ്ഞു. സുരക്ഷാ ഭീഷണിയെ തുടർന്ന് നവംബർ 15-ന് ഹോങ്കോങ്, ജപ്പാനിലേക്കുള്ള യാത്രാ മുന്നറിയിപ്പ് പുതുക്കിയിരുന്നു.
Hong Kong's Chief Executive, John Lee, publicly stated on Monday that his government supports China's diplomatic policy regarding the ongoing dispute with Japan, marking the first time a Hong Kong official has weighed in. The tension was sparked by Japanese Prime Minister Sanae Takaichi's November 7 remarks suggesting a hypothetical Chinese attack on Taiwan could trigger a military response from Tokyo.